close
Եղանակը Երևանում
21 Նոյեմբերի 2018
+3°
+11°Ցերեկ
+3°Գիշեր
weather
close
Փոխարժեք
21 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Աղվան Վարդանյանի` բացարձակ, բացարձակին մոտ բանաստեղծական գրքի շնորհանդեսը

Թուղթուգիր

15 Մայիսի 2014, 15:40
 Աղվան Վարդանյանի` բացարձակ, բացարձակին մոտ բանաստեղծական գրքի շնորհանդեսը

 

Երեկ Կոմիտասի անվան կամերային երաժշտության տանը տեղի ունեցավ բանաստեղծ, ԱԺ պատգամավոր Աղվան Վարդանյանի «Ելք երկրից» ժողովածուի շնորհանդեսը, որին ներկա էին ինչպես գրականության ոլորտի ներկայացուցիչներ, այնպես էլ քաղաքական գործիչներ:

 

ԱԺ ՀՀԿ խմբակցության պատգամավոր Մարգարիտ Եսայանը yerkir.am-ի հետ զրույցում նշեց, որ բավական երկար ժամանակ էր, ինչ Վարդանյանը չէր գրում, և Եսայանի կարծիքով` ժամանակակից գրականությունը մեծ կորուստ ուներ, քանի որ Վարդանյանը տաղանդավոր բանաստեղծ է:

 

«Ինչ-որ շրջան կար, որ քաղաքականությունը խլել էր Աղվանին գրականությունից: Ես ուրախ եմ այս վերադարձի համար, քանի որ նա վերագտավ իր սկիզբը: Առաջին անգամ, երբ նա ինձ գիրքը նվիրեց, աչքս այս տողերին ընկավ, որոնք շատ խորհրդանշական են ինձ համար` «ու մի վայրկյան նրա դեմ անշարժացա ակամա, ձայն տվեցի կարկամած, բայց ձայնս ինձ չհասավ»: Վստահ եմ, որ գրականագիտությունն Աղվան Վարդանյան բանաստեղծի մասին դեռ շատ բան կասի, քանի որ նա ունի մի քանի բանաստեղծություններ, և եթե միայն դրանք գրած լիներ` արդեն բավարար կլիներ` նրան մեր ժամանակաշրջանի լագավույն գրողներից մեկը կոչելու»,- ասաց Եսայանը:

 

ԱԺ ՀՀԿ խմբակցության պատգամավոր, երգչուհի Շուշան Պետրոսյանն էլ, իր հերթին, նշեց, որ Վարդանյանն այն եզակի բանաստեղծներից է, ով շատ հարուստ հայերենի պաշար ունի, և նրա գործերում յուրաքանչյուր բառն ունի բյուր տարբերակներ. «Աղվանն ունի բառին իր երանգը տալու շնորհը: Ես սիրում եմ, երբ ինքն է ներկայացնում իր բանաստեղծությունները, ու, ի դեպ, ասեմ նաև, որ այնքան հայերեն է նրա գրածը, որ ցանկացած տեղ, երբ լսեմ նրա գործերը` կհասկանամ` ով է հեղինակը»:

 

ՀԳՄ նախագահ Էդվարդ Միլիտոնյանը կարծում է, որ Վարդանյանի` Նախիջևանից լինելը հայրենական հետաքրքիր գույներ են հաղորդել նրա բանաստեղծություններին, և Վարդանյանն իր հիշողություններն արտահայտել է իր պոեզիայում:

 

«Գիտե՞ք` տարիների ազդեցությունը հետաքրքիր է` չնայած այն փաստին, որ Վարդանյանի գրիչն ավելի է հասունացել, բայց բանաստեղծությունների գույները նույնն են մնացել, ինչ առաջին գրքում»,- ասաց ՀԳՄ նախագահը:

 

Մանրամասները` տեսանյութում:

 

Լուսանկարը` civilnet.am-ի

 

Անարմատ ծիլեր
20 Նոյեմբերի 2018, 22:02 Անարմատ ծիլեր
yerkir.am
Ամենաշատ ընթերցվածները
Yandex.Metrica