close
Եղանակը Երևանում
18 Նոյեմբերի 2018
+6°
+7°Ցերեկ
+0°Գիշեր
weather
close
Փոխարժեք
18 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Րաֆֆուն առաջնորդություն է պետք

Հարթակ

22 Մարտի 2014, 16:34
 Րաֆֆուն առաջնորդություն է պետք

Րաֆֆի Հովհաննիսյանը վարչապետի հետ համակարծիք է՝ «Դեմ եմ» շարժումը պետք է դառնա «Կողմ»: Վարչապետն ասում էր «Հանուն», բայց դրանից բովանդակությունը չի փոխվում: Նա քաղաքական մյուս ուժերին կոչ է անում գործի անցնել՝ «վեր կենալով ինքնագովեստից»: Րաֆֆի Հովհաննիսյանը ոչ մեկին չի ներում անցյալ տարվա ընտրություններից հետո իրեն նախագահ չդարձնելը: Նա քաղաքական ոչ մի պայմանավորվածություն չի պահում:

 

Ասվել է՝ 4-ը պետք է դադարեն միմյանց քննադատել: Ինքը քննադատում է, նրանց, «ովքեր հեքիաթներով առաջնորդվել են մինչեւ հիմա»: Սլաքն, անկասկած, ուղղված է ՀԱԿ-ին: «Միացեք, պրծեք»,- նրանց կոչ է անում պարոն Հովհաննիսյանը` հասկացնելով, որ միացումը լինում է պոզով ու պոչով: Որովհետեւ եթե այսօր 4-ը միասին են, ներառյալ` Րաֆֆիի «Ժառանգությունը», դա նրան չի բավարարում: Միացել են, պրծել են: Նույնիսկ կառավարությանn անվստահություն հայտնելու օրն են հայտարարել: Բայց՝ ոչ: Ինքը սպասում է, որ քաղաքացիական ուժերը պետք է որպես նոր սերունդ գան իշխանություն: Միայն թե դա չլինեն նրանք, ովքեր անցյալ տարի նրա կողքին չկանգնեցին: Հետաքրքիր իրավիճակ է՝ ինքն իրականում ուզում է առաջնորդել քաղաքացիական շարժումը, քանի որ քաղաքական ուժերին իրենով անել չի կարող:

 

Ինքը գնում է Գագիկ Ծառուկյանի մոտ եւ ասում, որ պետք է պահանջել Սերժ Սարգսյանի հրաժարականը՝ հաշվի չառնելով, որ քաղաքական քայլերի հերթագայությունում մաքսիմալիզմը վատ խորհրդատու է: Ո՞վ չգիտի, որ Սերժ Սարգսյանը պետք է հեռանա: Բոլորը գիտեն, ներառյալ` Գագիկ Ծառուկյանը: Իսկ ինչպե՞ս Գագիկ Ծառուկյանը հասկանա, որ դա լինող բան է, պետք է հաղթի նրա հետ կառավարության հրաժարականի համար պայքարում: Եթե հաղթեց, պարզ կլինի, որ Սերժ Սարգսյանը դիմադրության ռեսուրս չունի:

 

«Դեմ եմ»-ի ակցիան վատ շարժում չէ, ինքն իր հերթին կազմալուծում է իշխանությանը: Իշխանությունը տեսնում է, որ հակադարձել չի կարող, բնականաբար, հրահանգում է ՍԴ-ին հակասահմանադրական ճանաչել կուտակայինի «պարտադիր» բաղադրիչը: Լավ է, վատ չէ:

 

Բոլորը տեսնում են, որ իշխանությունը նահանջում է քայլ առ քայլ: Կարբիի եւ Օհանավանի բնակիչներն իրենց հերթին են հաղթանակ արձանագրում ՀԷԿ-ի շինարարության դեմ պայքարում: Բոլորին անխտիր տեսանելի է, թե ինչպես է նահանջում Սերժ Սարգսյանը: Դա տեսանելի է նաեւ Գագիկ Ծառուկյանին: Ինչո՞ւ նրանից կորզել Սերժ Սարգսյանի հրաժարականի համաձայնությունը` դրանով պարոն Սարգսյանին հասկացնելով, որ Գագիկ Ծառուկյանին պետք է չեզոքացնել: Չէ որ այնքան էլ անխոցելի դիրքերում չէ Ծառուկյանը` գոնե ԱԺ-ում: Հետեւաբար, Րաֆֆի Հովհաննիսյանը առժամանակ պետք է մոռանա ցանկացած տարաձայնություն, որ ունի ընդդիմադիր մյուս 3 քաղաքական ուժերի հետ: Բայց ոչ, ինքն ուզում է հիշեցնել, թե ով է այս պայքարում իրական «տանտերը», նրան առաջնորդություն է պետք: Բացառված էլ չէ, որ ինչ-որ պահից «Ժառանգության» առաջնորդն իր մասնակցությունը դադարեցնի 4-ի ֆորմատին:

 

Անընդհատ պնդում է, թե 4-ի ղեկավարները պետք է հայտարարությամբ հանդես գան: Պարզ չէ՞, որ եթե կայացվել է կառավարությանն անվստահություն հայտնելու օրը, այլեւս հայտարարության կարիք չկա: Մյուս կողմից կա՞ ինչ-որ փաստաթուղթ, որ պետք է ստորագրեն 4-ի ղեկավարները: Կլինի, կստորագրեն, չի լինի, չեն ստորագրի: Ի՞նչ է պետք: Պարզ է, թե ինչ: Րաֆֆի Հովհաննիսյանին անհրաժեշտ է, որ ինքը կանգնի մյուս երեք առաջնորդների կողքին` ցույց տալով իր հավասարությունը Լեւոն Տեր-Պետրոսյանի, Գագիկ Ծառուկյանի եւ Հրանտ Մարգարյանի նկատմամբ: Մնում է, որ այս երեքը հայտարարեն, որ, խնդիր չկա, եղբա'յր, հավասար ես, դեռ մի բան էլ ավելի: Այլապես, եթե չհայտարարեն, Րաֆֆի Հովհաննիսյանը մի «Դեմ եմ» էլ կառավարության հրաժարականի դեմ դուրս կբերի: Չէ՞որ ինքը երիտասարդությանը եւ քաղաքացիներին «համախմբելու» փորձ ունի:

 

Սեյրան Հանոյան

Օդի ջերմաստիճանը չի փոխվի
18 Նոյեմբերի 2018, 16:27 Օդի ջերմաստիճանը չի փոխվի
Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Ամենաշատ ընթերցվածները
Yandex.Metrica