close
Եղանակը Երևանում
18 Նոյեմբերի 2018
+5°
+9°Ցերեկ
+0°Գիշեր
weather
close
Փոխարժեք
18 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վրաստանում ''Ի՞նչ, որտե՞ղ, ե՞րբ'' խաղը վրացերեն է եւ չի ֆինանսավորվում բյուջեից. բացառիկ հարցազրույց Գեորգի Մոսիձեի հետ

Հարցազրույց

20 Դեկտեմբերի 2013, 18:00
 Վրաստանում ''Ի՞նչ, որտե՞ղ, ե՞րբ'' խաղը վրացերեն է եւ չի ֆինանսավորվում բյուջեից. բացառիկ հարցազրույց Գեորգի Մոսիձեի հետ

 Yerkir.am-ի բացառիկ հարցազրույցը վրացական Рустави-2 հեռուստաալիքով հեռարձակվող «Ի՞նչ, որտե՞ղ, ե՞րբ» նախագծի պրոդյուսեր Գեորգի Մոսիձեի հետ

 

-Պարո'ն Մոսիձե, նախ կցանկանայինք իմանալ` արդյո՞ք Վրաստանում «Ի՞նչ, որտե՞ղ, ե՞րբ» խաղի ֆինանսավորումը կատարվում է պետական բյուջեից: Եվ ի՞նչ կարող եք ասել արտոնագրի ձեռք բերման մասին:

-Դեռ 90-ականներին Վրաստանում գոյություն ուներ «Интеллект клуб» հաղորդումը, որը շատ նման էր «Ի՞նչ, որտե՞ղ, ե՞րբ»-ին, սակայն այն ժամանակ լիցենզիայի հարցն այլ կերպ էր դրված` դրա կարիքը չկար: Իսկ արդեն 2000-ի սկզբին, երբ հետխորհրդային տարածությունում սկսվեց լիցենզավորված հաղորդումների այդ ալիքը, մենք, կարելի է ասել, նույնպես նստեցինք այդ կարուսելը, և արդեն 2008-ից սկսած` ունենք «Ի՞նչ, որտե՞ղ, ե՞րբ»-ի վրացական տարբերակը, որը հեռարձակվում է երկրի ամենաբարձր վարկանիշն ունեցող ալիքներից մեկով՝ Рустави-2-ով: Ալիքը մասնավոր է, սակայն ներկայումս առաջատարն է Վրաստանում:

 

Ինչ վերաբերում է ֆինանսավորմանը, ապա ասեմ, որ հեռուստահաղորդումը բացառապես կոմերցիոն նախագիծ է, հետևաբար, կան հովանավորներ, առեւտրային կազմակերպություններ, որոնք պաշտպանում են ինչպես գիտակների, այնպես էլ հեռուստադիտողների շահերը:

 

-Այն Ձեզ մոտ մեծ ժողովրդականություն վայելո՞ւմ է, բարձր վարկանիշ ունի՞, նաև՝ ինտելեկտուալ զարգազման նշանակություն: Օրինակ` մեզ մոտ բյուջեից խաղը ֆինանսավորելը հենց այդ հատկանիշներով բացատեցին: 

-Բանն այն է, որ Վրաստանում դա պարզապես հաղորդում չէ, պարզապես շոու չէ: Դա որոշակի սպորտային, ակումբային շարժում է: Վրաստանի տարբեր քաղաքներում ակումբներ են կազմավորվում, և հանգստյան օրերին ոչ հեռուստաեթերային խաղեր են անցկացվում: Կազմակերպվում են նաև փառատոներ, մրցաշարեր և առաջնություններ: Դա շատ զարգացած ճյուղ է Վրաստանում, և այդ իմաստով կարելի ասել, որ մենք ամենախաղացող երկիրն ենք աշխարհում: Գրեթե 30 000 մարդ մշտապես մասնակցում է «Ի՞նչ, որտե՞ղ, ե՞րբ»-ի սպորտային տարբերակի խաղերին: Եվ միայն Թբիլիսիի սուպերլիգայից հետո ձևավորվում է հեռուստաակումբը՝ անցկացվում է քասթինգ:

 

Բացի այդ` արդեն երկրորդ տարին է՝ իրականացվում է «Ինտելեկտի օր» նախագիծը, երբ Վրաստանի բոլոր դպրոցներում նույն օրը, նույն ժամին անցկացվում է «Ի՞նչ, որտե՞ղ, ե՞րբ» խաղը: Դա շատ կարևոր է` ապագա սերնդի պատրաստման տեսանկյունից: Բայց կրկնում եմ` հեռուստահաղորդումը բացառապես կոմերցիոն նախագիծ է:

 

- Այժմ, թերևս, ամենակարևոր խնդրի՝ լեզվի մասին: Կարծեմ՝ Ձեզ մոտ խաղը վրացերեն տարբերակով է: Ինչպե՞ս է դա Ձեզ հաջողվել, քանի որ մեզ մոտ խաղի` ռուսերեն տարբերակով հեռարձակումը ԿԳ նախարարությունը պայանավորում է հեղինակային իրավունքի պահպանմամբ: Արդյո՞ք նման պահանջ կա:

-Գիտեք, կարծում եմ, որ ամեն բան կախված է բանակցություններից: Որքան գիտեմ, կարելի է պայմանավորվել լիցենզիայի սեփականատիրոջ հետ, այսինքն` դա առանձին պայմանավորվածությունների հարց է: Վրաստանում և' հեռուստահաղորդումը, և' ակումբային խաղերը վրացերեն են անցկացվում: Կա, իհարկե, այսպես կոչված, ռուսալեզու լիգա, որի գրեթե կեսը, ի դեպ, հայազգի խաղացողներն են, քանի որ նրանց համար ավելի հեշտ է, որ խաղն անցկացվի ռուսերեն լեզվով: Լեզվի ընտրության պատճառն այն է, որ Վրաստանում չկա մեծ ռուսալեզու լսարան, որը կդիտեր խաղերը ռուսերեն լեզվով: Մենք ընդհանրապես նման հաղորդումներ չունենք:

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica