close
Եղանակը Երևանում
21 Նոյեմբերի 2018
+8°
+11°Ցերեկ
+2°Գիշեր
weather
close
Փոխարժեք
21 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մարզպետն ասաց, թե քանի ձայն կբերի Տարոն Մարգարյանին

Հարցազրույց

29 Մարտի 2013, 12:01
 Մարզպետն ասաց, թե քանի ձայն կբերի Տարոն Մարգարյանին

Երեկ ՀՀԿ ԳՄ նիստից առաջ ՀՀԿ կենտրոնական գրասենյակում ելումուտ էին անում նաեւ ՀՀԿ-ական մարզպետերը. նրանք եւս մայիսի 5-ին կայանալիք` Երեւանի ավագանու ընտրություններում ջանք ու եռանդ չեն խնայելու ՀՀԿ-ի համար ձայներ ապահովելու համար: Այս թեմայի շուրջ Yerkir.am-ը զրուցել է Կոտայքի մարզպետ Կովալենկո Շահգալդյանի հետ:


- Պարո'ն Շահգալդյան, առջեւում Երեւանի ավագանու ընտրություններն են: Նախ ուզում եմ հարցնել` Դուք ե՞ւս ձայներ եք բերելու Տարոն Մարգարյանի համար:

- Վերջապես` մենք Հանրապետական կուսակցության անդամ ենք, իսկ այստեղ Տարոն Մարգարյանի խնդիրը չի, մեր կուսակցությունն է մասնակցում, բա մեր կուսակցության համար մենք չպե՞տք է պայքարենք: Բնականաբար, պետք է պայքարենք:

 

-Իսկ կոնկրետ ի՞նչ աշխատանքներ եք տանում:

-Որ ասեմ կոնկրետ մի աշխատակարգ ենք ձեւավորել եւ կոնկրետ այդ աշխատակարգով շարժվում ենք, այդպես չէ: Մեր հարազատներին, մտերիմներին, համախոհներին խնդրելու ենք, բացատրելու ենք, հասկացնելու ենք, որ գնան ՀՀԿ-ին ձայն տան:

 

-Շտաբ արդեն բացե՞լ եք Երեւանում:

-Ոչ:

 

-Բայց մտադրություն, փաստորեն,կա՞:

-Չէէ (մտածելով), ի՞նչ իմաստ ունի:

 

-Ուզում եմ հասկանալ Ձեր կուսակցության համար ձայներ ապահովելու աշխատանքներն ինչպե՞ս եք համակարգելու:

-Ենթադրենք` ես ունեմ մի քանի հարազատ: Հորդորել պետք չի, ուղղակի պետք է զանգեմ հիշեցնեմ, որ մայիսի 5-ին Երեւանու ավագանու ընտրություններ են, նրանք էլ գիտեն, որ ես ՀՀԿ անդամ եմ եւ պետք է գնան ձայն տան ՀՀԿ-ին: Մայրաքաղաքում ապրող իմ բարեկամների, հարազատների մեծ մասը պետական համակարգում էլ են աշխատում, ՀՀԿ անդամ էլ են, օրինակ` իմ աղջիկները ՀՀԿ անդամ են` իրենց ամուսիններով ու երեխաներով: Էլ ո՞ւմ պետք է ձայն տան:

 

-Ճնշումներ կա՞ն մարզպետարանում` Ձեր աշխատողների վրա:

-Ի՞նչ եք խոսում, էէէ:

 

- Իսկ Երեւանի Ձեր հեռավոր բարեկամները չե՞ն նեղանում, որ փորձում եք նրանց ուղղորդել:

- Հեռավոր բարեկամներ ես չունեմ Երեւանում: Եղբայրս է այստեղ, աղջիկներս, վերջ:

 

- Եվ այսպես` որքա՞ն ձայն կկարողանաք ապահովել ՀՀԿ-ի համար:

- Դեռեւս չեմ հաշվել:

 

-Տասնյակների՞ մասին է խոսքը, հարյուրավո՞ր, հազարավո՞ր...

-Հազարնե՞ր... Ինչի՞ մասին է խոսքը, երեւի` հարյուրի հասնող:

 

-Իսկ ի՞նչ եք կարծում, Տարոն Մարգարյանը կհաղթի՞:

-Ես չգիտեմ, ընտրարշավից է կախված ընտրությունների հաջողությունը: Ընտրարշավը կավարտվի, կդիմեք, ճշգրիտ կկանխատեսեմ:

 

-Ի դեպ, Դուք է՞լ եք կարծում, որ Երեւանի վերջին 20 տարիների լավագույն քաղաքապետը Տարոն Մարգարյանն է:

-Բայց ես երեւանցի չեմ, որ ասեմ: Հետո նման վիճակագրություն էլ չունեմ:

 

-Բայց, մյուս կողմից, երեւանցի չլինելու հանգամանքը Ձեզ չի խանգարում` Տարոն Մարգարյանի համար ձայներ բերել:

-Տարոն Մարգարյանի անձը թողեք մի կողմ:

 

-Դե, եթե ՀՀԿ-ն հաղթի, Տարոն Մարգարյանը քաղաքապետ կդառնա` դա նկատի ունեմ Տարոն Մարգարյանի անունը անընդհատ շեշտելով:

-Ես չգիտեմ:

 

-Այսինքն` հնարավո՞ր է ՀՀԿ-ի հաղթանակի դեպքում նա չդառնա քաղաքապետ:

-Ես չգիտեմ, ճիշտ խոսենք:

 

Զրուցեց Ագնեսա ԽԱՄՈՅԱՆԸ

Ազգային ժողովի նիստն` ուղիղ
21 Նոյեմբերի 2018, 11:03 HES_VIDEOԱզգային ժողովի նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica