close
Եղանակը Երևանում
17 Նոյեմբերի 2018
+5°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ինչքան ուզես, էնքան խփենք. նախագահը կատակե՞լ է

Քաղաքական

11 Փետրվարի 2013, 12:33
 Ինչքան ուզես, էնքան խփենք. նախագահը կատակե՞լ է

Այսօր լրագրողների հետ հանդիպման ժամանակ նախագահի թեկնածու Արման Մելիքյանն անդրադարձավ Շիրակի մարզ կատարած այցելության ժամանակ Սերժ Սարգսյանի՝ «ընտրություններում ինչքան ուզես, էնքան խփենք» ուշագրավ հայտարարությանը:

 

«Ես կոնկրետ քաղաքական իրավիճակ եմ ստեղծում, որում անգամ այս կարգի, անգամ կատակով արված հայտարարությունները պետք է որ տարօրինակ հնչեն, ամեն դեպքում մենք աշխատում ենք նոր քաղաքական միջավայր եւ մթնոլորտ ձեւավորել: Թե պարոն Սերժ Սարգսյանը ինչ համատեքստում է ասել՝ ես չգիտեմ, բայց նա միշտ շատ կոնկրետ է: Գուցե կատակ է արել, գուցե այդ կատակը հաջող չի եղել, գուցե պարզապես անհաջող բան է ասել, խնդիրն այդտեղ չէ, խնդիրն այն է, որ այս իրավիճակը մենք կարողանանք փոխել»,- հայտարարեց նախագահի թեկնածուն:

 

Yerkir.am-ի դիտարկմանը, թե տեսանյութը դիտելուց ամենեւին տպավորություն չի ստեղծվում, որ նախագահը կատակ է անում, Արման Մելիքյանը հայտարարեց. «Դա ձեր մեկնաբանությունն է»:

 

Հարցին, թե` այդուհանդերձ, ինքն այդ ամենում կատակ տեսե՞լ է, նախագահի թեկնածուն պատասխանեց. «Բայց, կարծեմ, հետո իր կողմնակիցներն էլ են դա որպես կատակ որակել... Պետք է նախագահին դիմել, որպեսզի նա պարզաբանի` կատա՞կ էր, թե՞ ոչ, եւ այդ կատակի մեջ որքան էր ճշմարտության մասնաբաժինը»:

 

Ուշագրավ է, որ թեեւ նախագահի թեկնածուն անկնարկում էր, որ նախագահը կատակով է այդ ամենն ասել, բայց ինչպես վերջում պարզեցինք, նա առհասարակ չի տեսել այդ տեսանյութը: Ի դեպ, Արման Մելիքյանը հայտարարեց նաեւ, որ իր քարոզարշավից շատ գոհ է, քաղաքացիների հետ անմիջական շփումներ է ունենում եւ «սկսել է մարդկանց վերաբերմունքը զգալ»:

 

Եթե մինչեւ փետրվարի 13-ը ԿԸՀ-ն չպատասխանի Արման Մելիքյանի պահանջին, նա հետագա անելիքների վերաբերյալ հանդես է գալու հայտարարությամբ:

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica