close
Եղանակը Երևանում
22 Սեպտեմբերի 2018
+17°
+23°Ցերեկ
+16°Գիշեր
weather
close
Փոխարժեք
22 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Յաննին եւ Խուլիո Իգլեսիասը` Հայաստանում. սա դեռ սկիզբն է

Հարցազրույց

10 Հունվարի 2013, 16:55
 Յաննին եւ Խուլիո Իգլեսիասը` Հայաստանում. սա դեռ սկիզբն է

Խուլիո Իգլեսիասն ու Յաննին այս տարի մենահամերգներ կունենան Հայաստանում, եւ նրանք այս տարի Հայաստան այցելող միակ հայտնի դեմքերը չեն լինելու: Նախագծերի պրոդյուսեր Արման Ծատուրյանը yerkir.am-ի հետ զրույցում նշեց, որ առաջիկայում ծրագրում են Հայաստան հրավիրել նաեւ Մարկ Էնթոնիին, Սթինգին: Ծատուրյանը համարում է, որ վերջին 20 տարիների ընթացքում բավականին շատ բան է փոխվել մեր շոու-բիզնեսում, եւ, ի տարբերություն մի շարք այլ երկրների, դրսում մեր հրավերներին սկսել են «ավելի լուրջ» վերաբերվել:

 

-Պարո'ն Ծատուրյան, ինչպե՞ս է հաջողվում նման հայտնի դեմքերի Հայաստան բերել:

-Օրինակ, ի տարբերություն Վրաստանի, մեզ մոտ շոու-բիզնեսն ավելի զարգացած է: Ամենակարեւորն այն է, որ մենք ունենք Մարզահամերգային համալիր, իսկ Վրաստանը չունի. այնտեղ ամենամեծ դահլիճը 2000 տեղանոց է, բայց մեգաաստղերի պարագայում դահլիճը մեծ կապ ունի: Երկրորդ կարեւոր հանգամանքն այն է, որ մեզ մոտ պետությունը չի փորձում այնքան էլ շատ խառնվել շոու-բիզնեսի անցուդարձի մեջ, ինչը նպաստում է, որ մենք ունենանք զարգացած շուկա, իսկ Վրաստանում պետությունը գումար է տալիս, բերում որեւէ աստղի, իսկ ժողովուրդը սովորում է անվճար գնալ համերգներին: Իսկ դա շատ վատ է, քանի որ, տոմս գնելով, դու նպաստում ես հաջորդ երգչի` քո երկիր գալուն:

 

-Որքանո՞վ է նախագիծը ձեռնտու Ձեզ` որպես պրոդյուսերի:

-Մեզ մոտ ամենամեծ խնդիրը հարկային բեռն է: Ես կառաջարկեի փոփոխություններ կատարել հարկային դաշտում, որ շոու-բիզնեսն ուրիշ տարբերակով հարկվեր, քանի որ համերգների համար մենք ստիպված ենք լինում վճարել թե՛ ԱԱՀ եւ թե՛ հոնորարի համար: Սակայն, օրինակ, ԱՄՆ-ում դու միայն եկամտահարկ ես վճարում, հոնորարի համար ոչինչ չեն գանձում: Պետք է հաշվի առնել, որ շոու-բիզնեսը ռիսկային գոտի է, քանի որ դու չգիտես, թե ինչ հաջողության կհասնես, եւ արդյոք տոմսերը կսպառվե՞ն ամբողջությամբ:

 

-Ի՞նչ գործեր են հնչելու Յաննիի համերգին, եւ հնարավո՞ր է համագործակցություն հայ երաժիշտների հետ:

-Համերգին կհնչեն Յաննիի հին ու սիրված գործերից, սակայն նոր ստեղածգործություններ էլ կլինեն: Յաննին նաեւ ստեղծագործություններ ունի, որոնք նաեւ երգում են: Նման 2-3 գործ նույնպես ընդգրկվել է ծրագրում: Ինչ վերաբերում է հայ երաժիշտների հետ համագործակցելուն` այո, արդեն դիմել ենք հայ երաժիշտներից մեկին, որ ազգային գործիքներից մեկի վրա է նվագում, սակայն դեռ սպասում ենք պատասխանի:

 

-Արդյո՞ք Յաննիին կրկին Հայաստան հրավիրելու համար հիմք հանդիսացավ այն փաստը, որ նրա նախորդ համերգին /2011-ին/ դահլիճը լեփ-լեցուն էր:

-Այո, Յաննիին Հայաստանում սիրում են: Հայերը նաեւ գործիքային երաժշտություն են սիրում եւ Յաննիի ոճը` դասականին շատ մոտ: Պետք չէ մոռանալ նաեւ, որ Յաննիի նվագախմբում աշխարհահռչակ երաժիշտներ են նվագում, որոնց նույնպես Հայաստանում սիրում են:

 

-Խուլիո Իգլեսիասը, կարծես, առաջին անգամ է, չէ՞, Հայաստանում:

-Այո, նա առաջին անգամ է Հայաստանում, բայց նա շատ բան գիտի Հայաստանի մասին, քանի որ մի շարք հայ ընկերներ ունի: Հիշում եմ` դեռ փոքր էի, եւ առաջին անգամ Խուլիո Իգլեսիասը Մոսկվայում պետք է համերգ տար: Տոմսերից մեկը շահող էր եւ այն գնողը /իգական սեռի ներկայացուցիչ/ պետք է ռոմանտիկ ընթրիքի գնար Իգլեսիասի հետ: Դուք չեք պատկերացնի, թե ի՞նչ էր կատարվում այնտեղ: Հերթեր էին` տոմս գնելու համար:

 

-Որքա՞ն է լինելու տոմսերի գինը եւ արդյո՞ք այն հասու կլինի յուրաքանչյուրին:

-Իհարկե, երկու համերգների տոմսերի գինը կսկսվի 5000 դրամից: Նախորդ անգամ Յաննի համերգի պրոդյուսերը կրկին ես էի, եւ տոմսերի գինը կրկին 5000 դրամից էին սկսվում: Մարդիկ, ովքեր զբաղվում են պրոդյուսերինգով, միանգամից մեկ-երկու համերգով չեն հարստանում, նման բան կարող են անել նրանք, ովքեր նախկինում զբաղվել են երշիկի վաճառքով, կան նման մարդիկ, որ լսել են շոու-բիզնեսի մասին եւ մտածում են` մեկ համերգով կարելի է հարստանալ:

 

-Ձեր նախագծերից կարելի՞ է այս երկուսը համարել այս տարվա ամենախոշորները:

-Դեռ ոչ, քանի որ սրանով չենք սահմանափակվելու: Այս տարի ծրագրում ենք Հայաստան հրավիրել նաեւ Մարկ Էնթոնիին եւ Սթինգին:

 

Կարինե ՀԱՐՈՒԹՅՈՒՆՅԱՆ

Մահացել է Վիետնամի նախագահը
21 Սեպտեմբերի 2018, 10:12 Մահացել է Վիետնամի նախագահը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica