close
Եղանակը Երևանում
16 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
16 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դուրս բերվեց Աստվածամուխ Սուրբ Գեղարդը

Հասարակություն

4 Դեկտեմբերի 2021, 12:08
 Դուրս բերվեց Աստվածամուխ Սուրբ Գեղարդը

Այսօր Հայ Առաքելական Սուրբ Եկեղեցին նշում է Ս. Թադեոս և Ս. Բարդուղիմեոս առաքյալների տոնը։ Գարեգին Երկրորդ Ամենայն Հայոց Կաթողիկոսի կոնդակով այս տոնը հռչակվել է նաև Աստվածամուխ Սուրբ Գեղարդի ուխտի օր։ Գեղարդը, որով հռոմեացի զորականը խոցեց Հիսուսին, պահվում է Մայրավանքի թանգարանում և դուրս է բերվում բացառիկ դեպքերում միայն։

Այսօր Սուրբ մասունքն դուրս բերվեց առաքյալների տոնի պատարագի ընթացքում. տեղեկացնում է Yerkir.am-ը։

Աստվածամուխ Սուրբ  Գեղարդը համաքրիստոնեական սուրբ մասունքներից է, որով օծվում է սրբահյուս մյուռոնը։ Եկեղեցական ավանդույթով` Աստվածորդուն խոցած նիզակի սայրը Հայոց աշխարհ է բերել Թադեոս առաքյալը առաջին դարում։ Մինչև 18-րդ դարը այն պահվել է պատմական Հայաստանի տարբեր վանքերում։ Մայր Աթոռ է տեղափոխվել 18-րդ դարում, որտեղ էլ պահպանվում է մինչև այսօր։

Մասունքն, ըստ ավանդության, իր հրաշագործ զորությամբ փարատել է հոգեկան և մարմնական հիվանդություններ։ Սուրբ Գեղարդի բուժիչ ազդեցությանը շատերը հիմա էլ են հավատում։

Հոգեշնորհ  Հայր Ասողիկ Կիրակոսյանի խոսքով`մարդիկ հավատում են Աստծուն, եթե հավատում են Աստծուն, հետևաբար, կհավատան Տիրոջ հետ կապված որևէ հրաշքի, որևէ զորության ներգործությանը, այդ թվում` Սուրբ Գեղարդի։

«Սուրբ Գեղարդը մեզ համար պարզ  անշունչ առարկա չէ, Սուրբ Գեղարդը Քրիստոսի արյամբ ներկված և այդ արյամբ ոգեղենացված հավատքի առարկա է։ Ինչպես որ ցանկացած` տաճարից սկսյալ մինչև ամենափոքրիկ սրբագործված առարկան, որ գործածվում է եկեղեցական աստվածապաշտության ժամանակ,  այդպես էլ Սուրբ Գեղարդը մեզ համար այն աղբյուրն է, որից բխում է Աստծո օրհնությունը։ Եվ հավատքով մերձեցողներին պարգևում է ոչ միայն հոգևոր առողջություն, այլև մարմնական առողջություն»,- ասաց Հայր Ասողիկը։

Նրանք, ովքեր հավատում են Սուրբ Գեղարդի ամոքիչ ուժին, այսօր դրան հպվելու և համբուրելու բացառիկ հնարավորություն ունեն։ Սուրբ մասունքը մատուռ-մկրտարանում է մնալու մինչև ուշ երեկո։ 

Այս բաժնի այլ նորությունները
Ամենաշատ ընթերցվածները
Yandex.Metrica