close
Եղանակը Երևանում
22 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
22 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արտաքին վեկտորի փոփոխության հարցը «միս ու արյուն» է ստանո՞ւմ. «Փաստ»

Մամուլի տեսություն

4 Դեկտեմբերի 2021, 08:12
 Արտաքին վեկտորի փոփոխության հարցը «միս ու արյուն» է ստանո՞ւմ. «Փաստ»

«Փաստ» օրաթերթը գրում է. «Նիկոլ Փաշինյանն այսօր հերթական անգամ կհանդիպի արտախորհրդարանական ուժերի ներկայացուցիչների հետ։

«Փաստ» թերթի տեղեկություններով, հանդիպման օրակարգը բավական հագեցած է, այդ թվում՝ Հայաստանի և Ադրբեջանի պետական սահմանների հստակեցման նպատակով ենթադրվող սահմանագծման և սահմանազատման խնդիրը, այդ գործընթացում ՀՀ կողմից կիրառվող փաստաթղթերի, քարտեզների օգտագործման հարցը, հայ-թուրքական օրակարգի հետ կապված թեման և այլն:

Կան նաև կրթական համակարգին առնչվող հարցեր, որոնցից մեկը վերաբերում է բուհերում հասարակագիտական առարկաների վերանայմանն ու ամբիոնների աշխատանքի վերաիմաստավորմանը: Այս ամենի հետ մեկտեղ, մեր ձեռքի տակ գտնվող օրակարգում կա երկու հարց, որոնք բավականին ուշագրավ են: Դրանցից մեկն այսպիսի ձևակերպում ունի. «Արտաքին քաղաքական հնարավոր զարգացումներ. ՀԱՊԿ և ԵԱՏՄ ՀՀ անդամակցության դադարեցման և հնարավոր այլընտրանքների քննարկում»:

Ի դեպ, հաջորդ իսկ կետը վերաբերում է եվրաինտեգրման գործընթացի խթանմանը: Փաստացի, հաստատվում են տեղեկությունները, որ իշխանական ու իշխանամերձ շրջանակներում շատ ակտիվ քննարկվում է ՀԱՊԿ-ին և ԵԱՏՄ-ին ՀՀ անդամակցության դադարեցնելու հարցը, թեպետ Փաշինյանն իր վերջին ասուլիսում նշել էր, թե չի կարծում, թե կդիտարկվի ՀԱՊԿ-ից դուրս գալու հանգամանքը:

Ի դեպ, արտախորհրդարանական ուժերի այս միավորը, որ ստեղծվել է Փաշինյանի նախաձեռնությամբ, արդեն գրեթե ամբողջությամբ կազմված է մերձիշխանական ուժերից, առավելապես՝ արևմտապաշտ, առավել ևս, որ վերջերս խորհրդի կազմը լքեց նաև «Ալյանս» կուսակցության նախագահ Տիգրան Ուրիխանյանը»:

Առավել մանրամասն՝ թերթի այսօրվա համարում


Այս բաժնի այլ նորությունները
Ամենաշատ ընթերցվածները
Yandex.Metrica