close
Եղանակը Երևանում
22 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
22 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան ակտիվորեն աշխատում է Անտարկտիդայում գիտական ​​կայանի ստեղծման ուղղությամբ

Տարածաշրջան

1 Դեկտեմբերի 2021, 17:40
 Թուրքիան ակտիվորեն աշխատում է Անտարկտիդայում գիտական ​​կայանի ստեղծման ուղղությամբ

Թուրքիան Անտարկտիդայում գիտական կայանի ստեղծման ուղղությամբ ակտիվ աշխատանքներ է իրականացնում։ Ավարտվել է կայանի նախագծային հայեցակարգի մշակումը։ Այս մասին հայտարարել է Թուրքիայի արդյունաբերության եւ տեխնոլոգիայի նախարար Մուստաֆա Վարանքը Բեւեռային գիտությունների 5-րդ ազգային սեմինարի ժամանակ։

Թուրք նախարարը հիշեցրել է, որ Թուրքիան Անտարկտիդայի պայմանագրին միացել է 1995 թվականին՝ «խորհրդատվական քվեարկություն չունեցող երկրի» կարգավիճակով։

«Վերջին շրջանում մենք զգալի առաջընթաց ենք գրանցել բևեռների ուսումնասիրության հարցում՝ մեր բոլոր կառույցների և կազմակերպությունների աջակցությամբ: Մեր նպատակն է ստանալ «խորհրդատու կողմի» կարգավիճակ և ձայնի իրավունք՝ սպիտակ մայրցամաքի ապագայի համատեքստում»,- նշել է գերատեսչության ղեկավարը։

Նրա խոսքով՝ խորհրդատվական ձայն ստանալու հիմնական չափանիշը տարածաշրջանի ուսումնասիրությանն ուղղված աշխատանքն է։

«Այդ նպատակով էր, որ Թուրքիան 5 գիտարշավ կազմակերպեց դեպի մայրցամաք, որոնցից առաջինը տեղի ունեցավ 2017 թվականին։ 2019 թվականին գործարկվել է ժամանակավոր կայանը, թուրք բևեռախույզները տեղադրել են օդերևութաբանական կայան և 3 արբանյակային գլոբալ տեղորոշման համակարգ»,- հայտնել է Վարանքը՝ հավելելով, որ Թուրքիան նախատեսում է 2022 թվականին կազմակերպել վեցերորդ գիտարշավը դեպի Անտարկտիդա։

Այս բաժնի այլ նորությունները
Ամենաշատ ընթերցվածները
Yandex.Metrica