close
Եղանակը Երևանում
2 Դեկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
2 Դեկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուս խաղաղապահները 2 հա տարածք են ականազերծել Լեռնային Ղարաբաղի սահմանազատման գծի մոտակայքում. ՌԴ ՊՆ

Արցախ

23 Հոկտեմբերի 2021, 12:15
 Ռուս խաղաղապահները 2 հա տարածք են ականազերծել Լեռնային Ղարաբաղի սահմանազատման գծի մոտակայքում. ՌԴ ՊՆ

Ռուսական խաղաղապահ զորակազմի ականազերծման հումանիտար ստորաբաժանման զինծառայողները 2 հա տարածք են մաքրել Լեռնային Ղարաբաղի առանձին շրջաններում՝ սահմանազատման գծի մոտակայքում: Այս մասին ասվում է ՌԴ ՊՆ տեղեկագրում:

Ականազերծման աշխատանքների ժամանակ ռուս զինվորականները տարբեր մոտեցումներ են դրսևորում, այդ թվում՝ ձեռքով իրականացվող ականազերծումը , ականներ որոնող շների ներգրավումը, մեխանիկական համակարգերի կիրառումը, ինչպես նաև ականազերծման ռոբոտատեխնիկական համալիրների օգտագործումը:

Զինծառայողներն ամեն օր մարզում են ականի որոնումներ իրականացնող շներին՝ ծառայողական հմտությունների բարելավման նպատակով:

«Հումանիտար ականազերծման ստորաբաժանման սպառազինման կազմում ընդգրկված են պայթուցիկ սարքավորումների որոնման ժամանակակից համակարգեր, սակայն ո՛չ ինդուկցիոն ականորսիչը, որը ցույց է տալիս մետաղական պատյանով արկի գտնվելու վայրը, ո՛չ գծային տեղորոշիչը, որը հայտնաբերում է էլեկտրոնային պայթուցիչը, չեն կարող բացահայտել պայթուցիկ նյութի առկայությունը: Այստեղ հույսը հնարավոր է դնել միայն շան հոտառության վրա, քանի որ վարժեցված շունն ունակ է հայտնաբերել զինամթերքի մեջ առկա տրոտիլը, որը գտնվում է կես մետրից էլ խոր հողի մեջ»,- հայտնել է խաղաղապահ զորակազմի ներկայացուցիչ Ռոման Կոգաևը:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։

 
Համընկնու՞մ թե՞ ընդօրինակում
1 Դեկտեմբերի 2021, 23:37 Համընկնու՞մ թե՞ ընդօրինակում
Վարդենուտի Թուխ Մանուկը
1 Դեկտեմբերի 2021, 23:23 Վարդենուտի Թուխ Մանուկը

Այս բաժնի այլ նորությունները
Ամենաշատ ընթերցվածները
Yandex.Metrica