close
Եղանակը Երևանում
22 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
22 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Խոսնակի այսօրվա մեկնաբանությունում ամենավտանգավոր թեզի մասին. Գեղամ Մանուկյան

Քաղաքական

20 Սեպտեմբերի 2021, 13:22
 Խոսնակի այսօրվա մեկնաբանությունում ամենավտանգավոր թեզի մասին. Գեղամ Մանուկյան

Էրդողանի աղմկահարույց հայտարարությունից մեկօրյա քար լռություն պահելուց հետո, վերջապես, առաջին պաշտոնական մեկնաբանությունն է հնչել Հայաստանի կառավարությունից։ Այս մասին գրառում է կատարել ԱԺ «Հայաստան» խմբակցության պատգամավոր Գեղամ Մանուկյանը:

«1. Նախ, Փաշինյանի խոսնակի շուրթերով գավառական դիվանագետի մակարդակում գործող Փաշինյանը չի հերքում, որ նման առաջարկ Թուրքիայի նախագահին նա վրաց գործընկերոջ միջոցով արել է։

Մանե Գեւորգյան՝ «Վարչապետ Փաշինյանն իր բոլոր միջազգային շփումներում գործընկերներին ներկայացնում է կառավարության ծրագրում արձանագրված՝ Հայաստանի եւ տարածաշրջանի համար խաղաղ զարգացման դարաշրջան բացելու տեսլականը եւ արտահայտում է այդ ուղղությամբ ջանքեր գործադրելու Հայաստանի կառավարության պատրաստակամությունը»։

2. Անուղղակի Փաշինյանն ընդունում է Էրդողանի նախապայմանը՝ հարաբերությունների հաստատում միջանցքների տրամադրման դիմաց։ Հատուկ շեշտեմ՝ միջանցքների։ Քանզի Էրդողանն իր ասուլիսում հենց հոգնակի է գործածել միջանցք ձեւակերպումը։

Էրդողան՝ «Այսպիսով, ես հույս ունեմ, որ այդ միջանցքները բացելով Ադրբեջանի և Հայաստանի միջև այս խնդիրը կհաղթահարվի»(Böylece inşallah Azerbaycan ve Ermenistan arasındaki bu sıkıntı, bu koridorların açılması vesilesiyle aşılmış olur...https://www.tccb.gov.tr/.../cumhurbaskani-erdogan-bm-76...:

Էրդողանի նախապայմանը Փաշինյանը գլխիկոր ընդունել է Մանե Գեւորգյանի մեկնաբանությամբ։

Մանե Գեւորգյան՝ «Կոմունիկացիաների բացումը բացառիկ կարեւոր նշանակություն ունի տարածաշրջանում երկարատեւ խաղաղություն ու կայունություն հաստատելու, տարածաշրջանում ցավալիորեն առկա թշնամանքի մթնոլորտը հաղթահարելու համար եւ Հայաստանը վճռական է այդ ուղղությամբ առաջ շարժվելու և արդյունքներ արձանագրելու գործում»: Ու ոչ մի բառ Փաշինյանի խոսնակի կողմից, թե նախապայմաններով չպետք է խոսել։

3. Վերջապես, խոսնակի այսօրվա մեկնաբանությունում ամենավտանգավոր թեզի մասին։ Արտահայտություն, որը զգուշացնում է՝ Փաշինյանը շարունակելու է իր զիջողական, դավաճանական ընթացքը եւ երկիրը տանում է արդեն նոր կապիտուլացիայի, այս անգամ՝ արեւմտյան սահմաններով։

Մանե Գեւորգյանն ասել է՝ «Նիկոլ Փաշինյանը բազմիցս է նշել, որ այս ճանապարհին մեզ ամուր նյարդեր են պետք եւ արագ ու հեշտ լուծումներ գոյություն չունեն»: Ինչու՞ են պետք ամուր նյարդեր, որ ազգային նվաստացմանը դիմանա՞նք։

Հիշենք, 2005-ին Էրդողանն էր նամակով խնդրանք փոխանցում Հայաստանին, հիմա արդեն Փաշինյանն է ուրիշների միջոցով, գաղտնի մուրում Էրդողանից»,- գրել է նա։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica