close
Եղանակը Երևանում
22 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
22 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իշխանավորների ստի և դրան հաջորդած անվստահության կուտակվող ծավալը վաղուց հատել է կարմիր գիծը

Քաղաքական

16 Սեպտեմբերի 2021, 17:05
 Իշխանավորների ստի և դրան հաջորդած անվստահության կուտակվող ծավալը վաղուց հատել է կարմիր գիծը

ՀՅԴ Շիրակի մարզային կոմիտեի ներկայացուցիչ Մհեր Մելքոնյանը ֆեյսբուքյան իր էջում գրում է․

«Եվ այսպես՝ ինչո՞ւ են պաշտոնյաներն ու «խոշոր սեփականատերերը» ատելություն տածում իրենց իսկ բնակչության նկատմամբ։ Ինչո՞ւ նրանք ցանկություն չունեն զարգացնել երկիրը, լավ բան անել մարդկանց համար և ընդհանրապես նորմալ իշխանություն լինել։

Երկրի ապաշնորհ կառավարումը խնդիրներ է առաջացրել բացարձակապես բոլոր ոլորտներում ՝ ժողովրդագրական ու անվտանգային, տեխնոլոգիական ու առողջապահական… Մի խոսքով ՝ ամենուր։ Բացարձակ ձախողում է տնտեսության բոլոր ոլորտներում։ Ապաշնորհ իշխանությունը մշտապես խաղում է զանգվածների հայրենասիրական զգացմունքների վրա, բայց դա էլ է կեղծ, պարզունակ և հաճախ փորձելով մարդկանց զրկել բանականությունից։ Նման հայրենասիրությունն անփոփոխ հիմնված է ատելության, վախի, ստի և անհանդուրժողականության վրա։ Դրանով իշխանությունը փորձում է ծածկել անտաղանդությունն ու դատարկությունը, բազմացնում են սուտն ու կեղծիքը։

2018 թվականից շարունակ Հայաստանում ստեղծված ստի համակարգը իշխող էլիտայի կողմից ժողովրդին՝ իր իշխանությանը սատարելու համար, անբարոյականություն և անհոգություն է սերմանում, ջանում է խաչ քաշել մեր հզոր պետության մեծ պատմության վրա։

Նման քաղաքականությունը հանգեցնում է Հայրենիքի ստեղծարար և հոգևոր ներուժի նվազմանը։

Իշխանավորների ստի և դրան հաջորդած անվստահության կուտակվող ծավալը վաղուց հատել է կարմիր գիծը, որից օգտվում են մեր թշնամիները ՝ կյանքի կոչելով վաղուց ծրագրած՝ Հայաստանի փլուզումը: Այդ դեպքում կգտնվի՞ արդյոք ժողովրդի մոտ ըմբռնում և վճռականություն, որը թույլ չի տա մեր նախնիների ստեղծած պատմական հայրենիքի փլուզումը։

Անհնար է վարվել այնպես, ինչպես վարվում է ներկայիս իշխանությունը: Եթե դուք արդեն ինչ -որ բան խոստացել եք, ապա պետք է կատարեք այն: Միայն վարչապետի հրաժարականը և ազգային իշխանության ամբողջական վերականգնումը կարող են կանգնեցնել երկիրը անդունդի մեջ ընկնելուց:

Հայաստանում ժողովուրդը հավատում է ուժեղ, հայրենասեր,ազգային մտածելակերպ ունեցող անձնավորությանը:

Անհրաժեշտ է քաղաքական կամք ՝ դադարեցնելու ժողովրդի խաբեությունը, կանխելու Հայաստանի փլուզման նախանշվող դինամիկան, ստեղծելու բարգավաճ, ազգային պետություն և ապահովելու աշխատավոր ժողովրդի սոցիալական պաշտպանությունը։

Կարո՞ղ է այս իրավիճակը փոխվել: Ամեն ինչ կախված է մեզանից»:

Մեր ընտանիքի նահապետը
21 Հոկտեմբերի 2021, 23:35 Մեր ընտանիքի նահապետը
Մահացել է Տիգրան Կարապետյանը
21 Հոկտեմբերի 2021, 20:17 Մահացել է Տիգրան Կարապետյանը

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica