close
Եղանակը Երևանում
16 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
16 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԱԿ-ի Անվտանգության խորհուրդը դատապարտել է Թուրքիայի հայտարարությունները Հյուսիսային Կիպրոսում փակ քաղաքը բացելու մասին

Աշխարհ

24 Հուլիսի 2021, 11:31
 ՄԱԿ-ի Անվտանգության խորհուրդը դատապարտել է Թուրքիայի հայտարարությունները Հյուսիսային Կիպրոսում փակ քաղաքը բացելու մասին

ՄԱԿ-ի Անվտանգության խորհուրդը դատապարտել է Հյուսիսային Կիպրոսի և Թուրքիայի ղեկավարների հայտարարությունները Կիպրոսի Ֆամագուստա շրջանի Վարոշա ուրվական քաղաքի մեկ այլ թաղամաս բացելու վերաբերյալ և կոչ է արել անհապաղ հրաժարվել գործողությունների նման ընթացքից. ասվում է Անվտանգության խորհրդի նախագահի հայտարարության մեջ:

«Անվտանգության խորհուրդը դատապարտում է 2021 թվականի հուլիսի 20-ին Կիպրոսում թուրքերի առաջնորդի և Թուրքիայի ղեկավարի հայտարարությունը Վարոշայի պարսպապատ գոտու մի մասի հետագա վերաբացման վերաբերյալ: Անվտանգության խորհուրդը խորապես ցավում է այդ միակողմանի գործողությունների համար, որոնք հակասում են իր նախկին բանաձևերին և հայտարարություններին»,- ասվում է Անվտանգության խորհրդի հայտարարության մեջ:

Համաձայն ՄԱԿ-ի բանաձևերի` Վարոշան պետք է գտնվի ՄԱԿ-ի խաղաղապահ ուժերի իրավասության տակ, բայց, ըստ էության, այնտեղ է Թուրքիայի ռազմական զորախումբը:

ՄԱԿ-ի Անվտանգության խորհրդի 1984 թ. բանաձևն անընդունելի է համարում Վարոշայի որևէ մասի բնակեցման փորձերը, բացի նրա բնակիչներից, և կոչ է անում այդ տարածքը փոխանցել ՄԱԿ-ի վերահսկողության ներքո:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica