close
Եղանակը Երևանում
21 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
21 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ընտրություններից առաջ՝ գեներալի կոչում․ Փաշինյանը փորձում է կաշառել ոստիկանապետին. «168 ժամ»

Մամուլի տեսություն

8 Ապրիլի 2021, 08:47
 Ընտրություններից առաջ՝ գեներալի կոչում․ Փաշինյանը փորձում է կաշառել ոստիկանապետին. «168 ժամ»

«Տևական դադարից հետո ապրիլի 10-ին տեղի կունենա ոստիկանության կոլեգիայի ընդլայնված նիստը:

Թվում է, թե նորմալ է, որ ոստիկանությունում կոլեգիայի նիստ պետք է լինի ընդլայնված կազմով, քանի որ ըստ էության քննարկվելիք խնդիրները շատ են՝ սկսած ոստիկանության կազմաքանդումից և սորոսական պարեկային ծառայության հիմնումից՝ մինչև համակարգի ներսում օրեցօր զարգացող խժդժությունները: Օրինակ, այս պահին ոստիկանության համակարգում տարակուսած են, թե ինչո՞ւ է ոստիկանությունն ահռելի գումարներ դուրս գրում դրսում ծառայություն անցկացնող ոստիկանների համար բիոզուգարաններ կառուցելու համար, կամ ինչո՞ւ և ո՞վ է սնունդ մատակարարելու նրանց, և ինչո՞ւ հենց այդ ընկերությունը:

Հարցերը շատ են, պատասխաններ գրեթե չկան, սակայն 168.am-ի տեղեկություններով՝ ոստիկանության կոլեգիայի ընդլայնված նիստի նպատակը բոլորովին այլ է:

Պարզվում է՝ ապրիլի 10-ին նախատեսված նիստի անցկացումն ու այդքան բարձրաստիճան ոստիկանների մեկտեղումը նույն վայրում ունի մեկ նպատակ՝ ոստիկանության պետ Վահե Ղազարյանին կշնորհվի ոստիկանության գեներալ-մայորի կոչում:

Ասում են՝ այս պահին ոստիկանապետը պատրաստությունների մեջ է. գեներալական համազգեստն են կարում:

Եթե Նիկոլ Փաշինյանը մտածում է հնարավոր ընտրություններին ընդառաջ այդ կերպ կաշառել ոստիկանության պետին, դա առանձնապես լուրջ երաշխիք չէ։

Հիշեցնենք, որ նախկին ոստիկանապետ Վալերիյ Օսիպյանին նույնպես շնորհվեց այդ կոչումը, ինչը, սակայն, վերջինիս հետ չպահեց անհրաժեշտ ժամանակ լքել Նիկոլ Փաշինյանի թիմը»,-գրում է թերթը:

Նյութն ամբողջությամբ կարդացեք թերթի այսօրվա համարում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica