close
Եղանակը Երևանում
18 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
18 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ունենք եզակի իրավիճակ՝ պատասխանատու ընդդիմություն և անպատասխանատու իշխանություն. Քոչարյան

Քաղաքական

4 Մարտի 2021, 13:59
 Ունենք եզակի իրավիճակ՝ պատասխանատու ընդդիմություն և անպատասխանատու իշխանություն. Քոչարյան

Հայաստանի երկրորդ նախագահ Ռոբերտ Քոչարյանը համաձայն չէ, որ Հայաստանի իշխանություններն ունեն հասարակական լուրջ աջակցություն: Այս մասին նա ասաց ռուսական ԶԼՄ-ների համար մամուլի ասուլիսում:

Խոսելով մարտի 1-ին Հանրապետության հրապարակում իշխանություններին սատարելու համար հավաքված մարդկանց թվի մասին՝ Քոչարյանը նշեց, որ իշխանությունները երեք օր հավաքել են մարդկանց՝ օգտագործելով վարչական բոլոր ռեսուրսները: Եվ նրանք հազիվ հավաքել են 20 հազար մարդու, ինչը չի վկայում ինչ-որ հզոր աջակցության մասին: Ըստ նրա՝ շատ մարդիկ անտարբերության և բոլորի նկատմամբ անվստահության վիճակում են:

«Բայց սրանք բացարձակապես գործող կառավարության կողմնակիցներ չեն։ Համաձայն եմ՝  նախկին իշխանությունների նույնպես»,- նշեց Քոչարյանը:

Նրա կարծիքով՝ վարչապետն այսօր ամենաբարձր հակավարկանիշն ունի: Ոչ մի քաղաքական կուսակցություն չունի այնպիսի հակառեյտինգ, ինչպիսին ունի ներկայիս իշխանությունը:

«Մենք հետխորհրդային երկրի համար ունենք եզակի իրավիճակ. կա պատասխանատու ընդդիմություն և անպատասխանատու կառավարություն»,- հավելեց ՀՀ երկրորդ նախագահը:

Քոչարյանն առաջարկեց նայել ոչ թե նրան, թե քանի մարդ է սատարում ընդդիմությանը, այլ՝ թե քանի մարդ չի սատարում իշխանություններին: Միևնույն ժամանակ, ըստ նրա, ցանկացած միջադեպ կարող է դաշտի համախմբման ձգան դառնալ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica