close
Եղանակը Երևանում
11 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
11 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայրենիքի փրկության շարժման ներկայացուցիչները կհանդիպեն նախագահի հետ

Քաղաքական

2 Մարտի 2021, 22:45
 Հայրենիքի փրկության շարժման ներկայացուցիչները կհանդիպեն նախագահի հետ

Անկախ-ի տեղեկություններով՝ վաղը առավոտյան Հայրենիքի փրկության շարժման ներկայացուցիչները հանդիպելու են Հանրապետության նախագահի հետ՝ քննարկելու ԳՇ պետ Օնիկ Գասպարյանին պաշտոնից ազատելու հրամանագրի հետ կապված հարցերը։

Հիշեցնենք, որ նախագահը երկրորդ անգամ չստորագրեց ԳՇ պետ Օնիկ Գասպարյանին պաշտոնից ազատելու վերաբերալ վարչապետ Նիկոլ Փաշինյանի հրամանագիրը, սակայն այսօր որոշեց առանձին դիմումով դիմել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Դա նշանակում է, որ Նիկոլ Փաշինյանի հրամանագիրը՝ Օնիկ Գասպարյանին աշխատանքից ազատելու վերաբերյալ, եռօրյա ժամկետում կմտնի ուժի մեջ: Վաղը եռօրյա ժամկետն ավարտվում է։

Նախագահի հայտարարությունից հետո Հայրենիքի փրկության շարժումը տարածեց հայտարարություն՝ պահանջելով նախագահին շտապ հանդիպել ՀՓՇ ներկայացուցիչների հետ։

Հիշեցնենք, որ ընդդիմությունը պահանջում էր, որպեսզի նախագահը Սահմանադրական դատարան դիմի՝ վիճարկելու կոնկրետ Նիկոլ Փաշինյանի հրամանագիրը։

ՀՀ նախագահը դեռևս մեկ օր ունի դիմելու ՍԴ Նիկոլ Փաշինյանի հրամանագրի սահմանադրականության հարցը որոշելու խնդրանքով։

Երեկ նաև տեղեկացրել էինք, որ Արմեն Սարգսյանն ու Նիկոլ Փաշինյանը հանդիպել են։ Հանդիպումը տեղի է ունեցել Արմեն Սարգսյանի տանը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica