close
Եղանակը Երևանում
16 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
16 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սիրիային հարվածելով՝ ԱՄՆ–ը խափանել է Իրանի հետ բանակցությունները. ՌԴ ՊՆ

Աշխարհ

2 Մարտի 2021, 16:33
 Սիրիային հարվածելով՝ ԱՄՆ–ը խափանել է Իրանի հետ բանակցությունները. ՌԴ ՊՆ

Սիրիայում թիրախների ուղղությամբ ԱՄՆ օդային հարվածը հանգեցրել է Իրանի միջուկային գործարքի վերաբերյալ Վաշինգտոնի և Թեհրանի ոչ պաշտոնական դիվանագիտական խորհրդակցությունների խափանմանը: Այս մասին մարտի 1-ին ՏԱՍՍ-ին հայտնել է ՌԴ փոխարտգործնախարար Սերգեյ Ռյաբկովը:

Նա մատնանշել է, թե որ պահին են Միացյալ Նահանգները հարձակվել Սիրիայում գտնվող օբյեկտների վրա, որոնք իբր կապված են իրանամետ կազմավորումների հետ: Այս հարվածը, խախտելով միջազգային իրավունքը, հասցվել է ադսպիսի ոչ ֆորմալ հանդիպման մշակման ամենակարևոր պահին:

«Կասկած չկա, որ Վաշինգտոնի ազդեցիկ ուժերը քայլեր են ձեռնարկել այս իրադարձությունը խափանելու համար»,- ասել է Ռյաբկովը:

Ըստ նրա՝ Մոսկվան ափսոսում է, որ դեռ չի կարողացել կազմակերպել իրանական միջուկային ծրագրի վերաբերյալ ոչ պաշտոնական հանդիպում Միացյալ Նահանգների և Գործողությունների համատեղ համապարփակ ծրագրի (JCPOA) մասնակիցների միջև:

Հիշեցնենք, որ փետրվարի 26-ի գիշերը ԱՄՆ-ը խոցել էր սիրիա-իրաքյան սահմանի տարածքում գտնվող իրանամետ ուժերի թիրախները: Պենտագոնն այս հարձակումը անվանել էր պատասխան Իրաքում ԱՄՆ-ի և ամերիկամետ կոալիցիայի ներկայացուցիչների վրա հարձակմանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica