close
Եղանակը Երևանում
22 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
22 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՀ-ում գործակալական թուրքական շարասյունը գլխավորում է Ն. Փաշինյանը, և այդ «կոլոնան» օր առաջ պետք է հեռացվի՛. Սեյրան Օհանյան

Քաղաքական

27 Փետրվարի 2021, 17:43
 ՀՀ-ում գործակալական թուրքական շարասյունը գլխավորում է Ն. Փաշինյանը, և այդ «կոլոնան» օր առաջ պետք է հեռացվի՛. Սեյրան Օհանյան

Այն, ինչ տիրում է Հայաստանի Հանրապետությունում, միանշանակ դավադրության, ապիկար կառավարման արդյունք է, ինչի մասին խոսում ենք ոչ միայն մենք, այլ նաև աշխարհի առաջատար ուժերը, նույնիսկ մեր թշնամիները:Այս մասին այսօր Բաղրամյան պողոտայում «Հայրենիքի փրկության շարժման» հանրահավաքին հայտարարեց պաշտպանության նախկին նախարար Սեյրան Օհանյանը:

«Այսօր նորից համոզվում եմ՝ թուրքական գործակալական շարասյունը ՀՀ-ում գլխավորում է Նիկոլ Փաշինյանը: Անձամբ Նիկոլ Փաշինյանն է պատասխանատու պատերազմի և պարտության համար, քանի որ մերժեց մեր գրոծընկերների հետ հարաբերությունները, Մինսկի խմբի ֆորմատը, Ալիևը ինքն ասաց, որ Փաշինյանն է նախաձեռնել, որպեսզի երկուսով պլանավորեն Արցախի հարցը լուծումը, նա լուծեց պատերազմով և տարավ դեպի պարտություն»,- ասաց Օհանյանը: Նա հայտարարեց, որ այսօր միակ լեգիտիմ կառույցը բանակն է. «Կառավարությունը ընդհանուր առմամբ ձախողել է սոցիալ-տնտեսական գործընթացը, կառավարությունը Նիկոլի գլխավորությամբ չի կատարել ՀՀ-ի սահմանների անձեռմխելիության, սահմանազատման խնդիրները, թուրքը, ադրբեջանցին հենց այնպես եկել, կանգնել է իր համար հարմար դիրքերում»,-ասաց նա:

Սեյրան Օհանյանը նշեց, որ բանակը ճիշտ է անում, որ չի ենթարկվում այս ապիկար իշխանություններին և կոչ արեց գալ հանրահավաքի՝ բանակի թիկունքը ամուր պահելու համար: «Այսօր հայկական բանակը իր քայլը կատարեց, հայկական բանակը ժողովրդի կողքին է: Խոսքս վերաբերում է ԱԱԾ-ին, ոստիկանության բոլոր սպաներին, կոչ եմ անում կանգնել ժողովրդի կողքը:

Պարոնայք գեներալներ, սպաներ, մարտական ընկերներ, կամավորականներ, կանգնեք ժողովրդի կողքին, ժողովուրդն էլ կկանգնի բանակի կողքին և միասին կհասնենք հաջողությունների»,-ասաց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica