close
Եղանակը Երևանում
11 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
11 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՀ շախմատի առաջնության մասնակիցները թեստավորում չեն անցել․ գլխավոր մրցավար

Սպորտ

15 Փետրվարի 2021, 18:11
 ՀՀ շախմատի առաջնության մասնակիցները թեստավորում չեն անցել․ գլխավոր մրցավար

Շախմատի Հայաստանի 2021թ առաջնության մասնակիցները հատուկ թեստավորում չեն անցել մեկնարկից առաջ։ Այդ մասին «Ա1+»-ին հայտնեց տղամարդկանց առաջնության գլխավոր մրցավար Աշոտ Վարդապետյանը։

«Թեստը կարճաժամկետ բնույթ է կրում և 100 տոկոսով չի ապահովում մասնակիցների անվտանգությունը։ Մենք ունենք առաջնության բժիշկ, ով հսկողություն կհաստատի մրցաշարի ժամանակ։ Եթե նրա մոտ կլինեն հիմնավոր կասկածներ, ապա նա կարող է ցանկացած պահին շախմատիստից պահանջել թեստավորում։

Ի դեպ, մենք ունենք շախմատիստներ, որոնք անցած տարի հիվանդացել էին կորոնավիրուսով։ Նրանք արդեն լրիվ բուժվել են, և ըստ բժշկական տվյալների առաջիկա մի քանի ամիսներին չեն կարող նորից վարակվել։ Համենայնդեպս, Հայաստանի շախմատի ֆեդերացիան պատրաստ է առաջնության ժամանակ պահպանել հակահամաճարակային կանոնները», - ասաց փորձառու մրցավարը։

Հիշեցնենք, որ փետրվարի 16-ին կմեկնարկեն շախմատի Հայաստանի կանանց և տղամարդկանց առաջնությունները, որոնց կմասնակցեն համապատասխանաբար 10 շախմատիստուհի և 12 շախմատիստ։ Մրցումները կանցկացվեն առանց հանդիսականների։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica