close
Եղանակը Երևանում
6 Մարտի 2021
+16°
+27°Ցերեկ
+15°Գիշեր
weather
close
Փոխարժեք
6 Մար 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արտահերթ ընտրությունների անցկացման հնարավորությունը նույնիսկ չի քննարկվում. Էրդողան

Տարածաշրջան

25 Հունվարի 2021, 16:07
 Արտահերթ ընտրությունների անցկացման հնարավորությունը նույնիսկ չի քննարկվում. Էրդողան

Թուրքիայի նախագահ Ռեջեփ Թայիփ Էրդողանը մերժել է արտահերթ ընտրություններ անցկացնելու հնարավորությունը՝ մեկ անգամ ևս կրկնելով, որ նման հայտարարություններն ասեկոսեներ են:

«Բացառվում են արտահերթ ընտրությունները: Ժողովրդական դաշինքն ակնկալում է, թե ընտրությունները տեղի կունենան 2023 թվականի հունիսին»,- ուրբաթօրյա աղոթքից հետո լրագրողներին հայտնել է թուրք նախագահը:

«Ազգայնական շարժում» կուսակցության՝ MHP-ի նախագահ Դևլեթ Բահչելին նույնպես հերքել է հնարավոր արտահերթ ընտրությունների մասին լուրերը: Բահչելիի և Էրդողանի կուսակցությունները միասին կազմում են Cumhur İttifakı-ն՝ Ժողովրդական դաշինքը, որին հակակշռում են երկրի երկու խոշոր ընդդիմադիր կուսակցությունները՝ Հանրապետական ժողովրդական և «Լավ» կուսակցությունները՝ Ազգային դաշինքով (Millet İttifakı)։

«28-րդ ժամկետի նախագահական և խորհրդարանական ընտրությունները տեղի կունենան 2023 թվականի հունիսին, ինչպես նախատեսված էր: Կարիք չկա սին հույսեր փայփայել»,- ասվում է Բահչելիի հայտարարության մեջ:

Ավելի վաղ ԱԶԿ այլ հայտնի գործիչներ, ներառյալ՝ կուսակցության խոսնակ Օմեր Չելիքը և փոխնախագահ Նուման Քուրթուլմուշը, նույնպես հերքել էին արտահերթ ընտրությունների անցկացման մասին լուրերը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica