close
Եղանակը Երևանում
7 Մարտի 2021
+16°
+27°Ցերեկ
+15°Գիշեր
weather
close
Փոխարժեք
7 Մար 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Շների գազազած ոհմակը Երեւանում հոշոտել է 207 գլուխ ոչխար, ընտանիքը կրել է 10 միլիոնի վնաս

Հասարակություն

23 Հունվարի 2021, 14:58
 Շների գազազած ոհմակը Երեւանում հոշոտել է 207 գլուխ ոչխար, ընտանիքը կրել է 10 միլիոնի վնաս

Երեւանի ծայրամասային Հաղթանակ թաղամասում թափառող շների գազազած ոհմակը գոմում հոշոտել է մեկ ընտանիքի պատկանող 207 գլուխ ոչխար։ Ընտանիքին պատճառվել է 10 միլիոն դրամի նյութական վնաս։

Հոշոտված մարմինները 5 օր է, ինչ թափված են դրսում։ Դեպքը տեղի է ունեցել հունվարի 19-ին։ Տնտեսվարողը դեպքի մասին տեղեկացրել է ոստիկանությանը, զանգարահել են արտակարգ իրավիճակների նախարարություն, Երեւանի քաղաքապետարան, նամակ են գրել վարչապետ Նիկոլ Փաշինյանի անունով։ Մինչ օրս պատկան մարմիններից որեւէ արձագանք չկա՝ «ձայն բարբառոյ յանապատի»։No description available.

 

«Հիվանդության բուն է, զանգում ասում են՝ «ձեռ մի՛ տվեք, մենք գանք ստուգենք՝ շուն է, թե ինչ է»։ Բայց արդեն 5 օր է որեւէ մեկը չի եկել։ Հոտը ընկել է, չգիտենք՝ ինչ անենք»,-Yerkir.am-ի հետ զրույցում ասում է Մրազ Կասոյանը։

Նման բան այս թաղամասում, այս ընտանիքում, գրանցվում է ոչ առաջին անգամ։ Եզդի ընտանիքին պատկանող տնտեսությունը մի քանի անգամ տուժել է թափառող շների նույն ոհմակից: 13 գլուխ ոչխար էլ հոշոտվել է երկու շաբաթ առաջ։

No description available.

«Դաշտում կենդանիների արոտի ժամանակ շները խեղդում են նորածին գառներին։ Զանգում ենք քաղաքապետարան՝ խնդրում, որ ոհմակը հեռացնեն տարածքից։ Տանում են, ստերջացնում, նորից հետ բերում։ Թափառող շների վնասազերծման ՀՈԱԿ-ի տնօրենն ասում է՝ ձեռք չտանք մինչեւ հասկանան՝ շուն է, թե գայլ։ Թո՛ղ գան փորձագետները, ինչու՞ չեն գալիս, արձագանք չկա։ Նախորդ դեպքի ժամանակ էլ պատկան մարմիններից որեւէ մեկը չի արձագանքել, պետությունը մեր կողքը չի։ Եթե ոչ մի ձեւ չօգնեցին, ամենաճիշտ տարբերակն է՝ ընտանիքիս հետ արտագաղթենք»,-հուսալքված նշում է՝ Կասոյանի որդին՝ Սամվել Քոչարյանը։

No description available.

Հ․Գ․ Հանրային անվտանգության ապահովման տեսանկյունից, փաստորեն, Երեւանի քաղաքապետարանը մայրաքաղաքի տարածքում գազազած շների առկայության վտանգավորության աստիճանը չի պատկերացնում։ Արդեն ոհմակ կազմած, կենդանիներ հոշոտած շները սպառնալիք են նաեւ մարդկանց համար։

No description available.

Մանրամասները դիտե'ք տեսանյութում։

Լիանա Սարգսյան
 
 

 

 
 

Աստղագուշակ. մարտի 7
7 Մարտի 2021, 09:58 Աստղագուշակ. մարտի 7
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica