close
Եղանակը Երևանում
28 Փետրվարի 2021
+16°
+27°Ցերեկ
+15°Գիշեր
weather
close
Փոխարժեք
28 Փտր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եվրախորհրդարանը Նավալնիի պատճառով պահանջել է դադարեցնել «Հյուսիսային հոսք-2» նախագծի իրագործումը

Աշխարհ

21 Հունվարի 2021, 17:19
 Եվրախորհրդարանը Նավալնիի պատճառով պահանջել է դադարեցնել «Հյուսիսային հոսք-2» նախագծի իրագործումը

Եվրախորհրդարանը պահանջել է ԵՄ–ից՝ դադարեցնել «Հյուսիսային հոսք-2» նախագիծը և պատժամիջոցներ սահմանել ընդդեմ Ռուսաստանի՝ ընդդիմադիր Ալեքսեյ Նավալնիին ձերբակալելու պատճառով. հայտնում է Speigel-ը։

Փաստաթուղթը նախատեսվում է քննարկել հինգշաբթի, դրան պատրաստ են աջակցել պահպանողականների, սոցիալ–դեմոկրատների, լիբերալների և կանաչների խմբակցությունները։

«Նավալնիի վրա ռուսական հարձակումից հետո մենք պետք է խոսենք նաև էներգետիկ խնդրի մասին: Սա մեր ամենաhզոր փաստարկն է: Եվ այդ պատճառով «Հյուսիսային հոսք-2» նախագիծը լրացուցիչ ճնշում գործադրելու հնարավորություններից մեկն է: Ռուսաստանին ուղղված պարզ կոչեր չկան»,- նշել է Եվրոպական ժողովրդական կուսակցության պահպանողական և կենտրոնամետ խմբակցության ղեկավար Մանֆրեդ Վեբերը:

Պատժամիջոցները կարող են ազդել «ֆիզիկական և իրավաբանական անձանց վրա, որոնք մասնակցել են Նավալնիին ձերբակալելու որոշմանը, ինչպես նաև ընդդիմության, ռուս օլիգարխների, «Վլադիմիր Պուտինի մերձավոր շրջանի անդամների», «հարձակումների» պատասխանատուների, ինչպես նաև «ԶԼՄ-ների պրոպագանդիստների» վրա: Սահմանափակումները ներառում են ակտիվների սառեցումը ԵՄ երկրներում և այդ պետություններ մուտքի արգելումը:

«Եվրամիությունը չպետք է այլևս անհայտ ծագման ռուսական հարստության հյուրընկալության վայր լինի»,- ասվում է բանաձևում:

Եթե այն ընդունվի, պատժամիջոցները ավտոմատ կերպով չեն գործի. դրանք կարող են ընդունվել միայն Եվրամիության բոլոր 27 անդամ երկրների որոշմամբ՝ ԵՄ խորհրդի մեխանիզմների միջոցով:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica