close
Եղանակը Երևանում
27 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
27 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փորձագետները Թուրքիայի խորհրդարանին նախազգուշացրել են Ստամբուլում երկրաշարժի վտանգի մասին

Տարածաշրջան

1 Դեկտեմբերի 2020, 16:25
 Փորձագետները Թուրքիայի խորհրդարանին նախազգուշացրել են Ստամբուլում երկրաշարժի վտանգի մասին

Փորձագետները նախազգուշացրել են Թուրքիայի խորհրդարանին, որ Ստամբուլը դեռ գտնվում է խոշոր երկրաշարժի սպառնալիքի տակ:

Ռիխտերի սանդղակով ավելի քան 7 բալ ուժգնությամբ սեյսմիկ ցնցման էներգիան արդեն կուտակվել է Մարմարա ծովի այն շրջանում, որտեղ գտնվում է քաղաքը. Քանդալիի դիտարանի և Երկրաշարժերի ուսումնասիրման ինստիտուտի տնօրեն Հալուք Օզեների խոսքերն է մեջբերում Cumhuriyet-ը։

«Այս տարածաշրջանում միջին հաշվով յուրաքանչյուր վեցուկես տարին մեկ տեղի են ունենում 7-7,9 ուժգնությամբ երկրաշարժեր»,- նշել է նա։

Նման ուժգնությամբ վերջին երկրաշարժը տեղի էր ունեցել 2011-ին հարավարևելյան Վան նահանգի մերձակայքում, որի արդյունքում զոհվել էր ավելի քան 600 մարդ: Օզեները շեշտել է, որ, վիճակագրական տեսանկյունից, շուտով պետք է սպասել մեկ այլ երկրաշարժ:

«Ես չեմ փորձում պատկերացնել աղետի սցենար, բայց ինը տարի է անցել Վանի ողբերգությունից»,- հավելել է փորձագետը:

«Այն գաղափարը, որ փոքր երկրաշարժերը խլում են էներգիան ավելի մեծ երկրաշարժերից, տեսականորեն ճիշտ է, բայց գործնականում՝ սխալ»,- ասել է նա:

Հոկտեմբերի 30-ին Իզմիրի արևմտյան նահանգում տեղի ունեցած 6,9 բալ ուժգնությամբ երկրաշարժի արդյունքում զոհվել էր 115 մարդ: Հաշվի առնելով այս հանգամանքը՝ փորձագետները ահազանգում են ապագայում Թուրքիայում նման աղետներին պատրաստ լինելու մասին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica