close
Եղանակը Երևանում
16 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
16 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տղան, որ դաշնամուրը փոխարինեց զենքով. BBC-ի ռեպորտաժն անհայտ կորած հայ զինծառայողի մասին

Արցախ

30 Նոյեմբերի 2020, 15:28
 Տղան, որ դաշնամուրը փոխարինեց զենքով. BBC-ի ռեպորտաժն անհայտ կորած հայ զինծառայողի մասին

Բրիտանական հեղինակավոր BBC լրատվամիջոցը ռեպորտաժ է պատրաստել Արցախյան երկրորդ պատերազմի ընթացքում անհայտ կորած զինծառայող՝ 22-ամյա Սողոմոնի մասին:

Լրատվամիջոցը նշում է, որ դաշնամուր և սաքսոֆոն նվագող Սողոմոնը կռվի ընթացքում իր երաժշտական գործիքը փոխարինել է զենքով:

«Բանակ գնալուց առաջ սաքսոֆոն սովորեց, որ նվագախումբ ընկնի, բայց այն վայրում, որտեղ ծառայության մեկնեց, նվագախումբ չկար»,- նշում է Սողոմոնի քույրը՝ հավելելով, որ եղբայրը փոքր տարիքից կռիվ անել չէր սիրում:

Սողոմոնի վերաբերյալ ընտանիքի անդամները տեղեկություն չունեն հոկտեմբերի 1-ից:

«Իրենց հրամանատարն ասում էր, որ նա մահացել է, բայց մյուսն էլ ասում էր, որ հաջորդ օրն իրենք միասին են եղել»,- նշում է անհայտ կորած զինծառայողի քույրը:

22-ամյա զինծառայողի հարազատները հույսը չեն կորցնում, որ Սողոմոնը մի օր վերադառնալու է:

«Հույսով սպասում եմ, որ Սողոմոնը պետք է գա»,- նշում է Սողոմոնի հայրը` Կամսարը:

Լրատվամիջոցը հավելում է, որ բազմաթիվ ընտանիքներ սպասում են իրենց անհայտ կորած որդիներին: Մինչ օրս էլ շարունակվում է նաև զոհվածների մարմինների նույնականացման գործընթացը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica