Եթե գերիներին չեն տալիս, գյուղերն ինչո՞ւ եք հանձնում. Ա. Գրիգորյանի դիտարկումները

Լուծում են ուզում այդ մարդիկ, լուծում, կոնկրետ ասա ում դիմեն, երբ պատասխան կստանան:

Ժողովուրդ ջան չեք տեսնում, որ այս մարդկանց մեջ ոչ մի կոմպետենտ անձ չկա:

Պատերազմի ընթացքում երբ առաջարկվում էր ստեղծել շտաբ, դա ենթադրում էր, որ պետք էր տիրապետել ամեն ինչին: Այս մարդիկ չհասկացան, որ պատերազմը միայն ֆրոնտը չի, դա նաև վիրավորների, զոհվածների հարցերով զբաղվել է:

Բա դուք գետինը չե՞ք մտնում, որ մարդիկ իրենց կապերով են ճշտում իրենց տղան զոհվել է, որտեղ է, գնում գտնում բերում էին:

Բա դուք գետինը չե՞ք մտնում, երբ քույրը իր եղբոր նկարը տեղադրում էր ֆեյսբուքում և փորձում էր տեղեկություն ստանալ:

Բա դուք գետինը չե՞ք մտնում, որ հոսպիտալներից վիրավորներին տեղափոխում էին Երևան, իսկ զինվորների ծնողները հետո հիվանդանոցներով պտտվում էին նոր գտնում:

Բա դուք գետինը չե՞ք մտնում անհետ կորած զինվորների ծնողներին ստիպում եք հիմա էլ գնան դեսպանատների դիմաց հավաքվեն մի փոքրիկ հույսով:

Բա դուք գետինը չե՞ք մտնում, որ հրադադարի ստորացուցիչ թուղթը ստորագրել եք քիչ է մի հատ էլ դրա մի կետը խելոք կատարում եք, որտեղ գրված է հող հանձնելու մասին, իսկ մյուս կետը թշնամին չի կատարում և դուք լուռ եք: Բա չեք տեսնու՞մ, որ գերիների և զոհերի փոխանակման հարցը նույնիսկ չեք կարողանում լուծել, իսկ գերիներին ծաղրում են, նկարում և տեղադրում համացանցում, կրկնակի անգամ ստորացնելով հենց ձեզ: Բա եթե գերիներին չեն տալիս, գյուղերն ինչու՞ եք հանձնում:

Թե բա հող կդառնանք ձեր ոտքերի տակ ժող ջան, բայց ժող ջանի ոտքերի տակի հողը տվեցիք թշնամուն:

Ինչու՞ գետինը չեք մտնում»: