close
Եղանակը Երևանում
24 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
24 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսները ցանկանում են գնալ Ղարաբաղ՝ կռվելու. Բորոդայ

Աշխարհ

31 Հոկտեմբերի 2020, 13:26
 Ռուսները ցանկանում են գնալ Ղարաբաղ՝ կռվելու. Բորոդայ

Բազմաթիվ ռուս կամավորներ ցանկանում են մեկնել Լեռնային Ղարաբաղ: Այս մասին «Свободная пресса»-ի հետ զրույցում նշել է ինքնահռչակ Դոնեցկի ժողովրդական հանրապետության նախարարների խորհրդի նախկին նախագահ Ալեքսանդր Բորոդայը:

Այսօր տեղի կունենա Դոնբասի կամավորների միության համագումարը: Բորոդայը նշել է, որ հանդիպման ընթացքում կբարձրացվի Ղարաբաղի հարցը: Նա դա բացատրել է նրանով, որ ներկայումս մեծ թվով ռուս կամավորներ պատրաստ են օգնել Հայաստանին Թուրքիայի դեմ պայքարում:

Նախարարների խորհրդի նախկին նախագահը Ղարաբաղում հակամարտության մեջ մեղավոր է անվանել Խորհրդային Ռուսաստանի ղեկավար Վլադիմիր Լենինին: Ըստ նրա՝ այս շրջանը դարձել է Ադրբեջանի ԽՍՀ մաս, քանի որ ադրբեջանցիները առաջնային էին խորհրդային կառավարության համար: Միաժամանակ, նա կարծիք է հայտնել, որ հակամարտությունը ներկայումս սրելու համար մեղավոր է Թուրքիան:

«Սա պատերազմ է Թուրքիայի և Հայաստանի միջև, որը սկսվել է Թուրքիայի կողմից», - ասել է Բորոդայը:

Բացի այդ, նա կարծիք է հայտնել, որ Ռուսաստանը ստիպված կլինի միջամտել հակամարտությանը, եթե այն չլուծվի: Նրա խոսքով` դա պետք է անի Հայաստանի կողմից, չնայած տեղական իշխանությունների հակառուսական դիրքորոշմանը և ՌԴ-ի` Ադրբեջանի և Թուրքիայի հետ սերտ կապերին:

«Եթե Ռուսաստանը ցանկանում է պահպանել իր դիրքերը Կովկասում և Անդրկովկասում, ապա չի կարող թույլ տալ Ղարաբաղի պարտությունը», - համոզված է Բորոդայը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica