close
Եղանակը Երևանում
28 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
28 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայում քրդերենով փաստագրական ֆիլմ է նկարահանվում Հաքքարիի անտեր մնացած եկեղեցիների մասին

Տարածաշրջան

27 Հոկտեմբերի 2020, 17:42
 Թուրքիայում քրդերենով փաստագրական ֆիլմ է նկարահանվում Հաքքարիի անտեր մնացած եկեղեցիների մասին

Թուրքիայում փաստագրական ֆիլմ է նկարահանվում Հաքքարիում ասորիներից և նեստորականներից մնացած եկեղեցիներին մասին։ «Անարձագանք ճիչ» վերնագրված ֆիլմը նվիրված է այստեղի 10 եկեղեցիների։

Այդ մասին, ըստ Akunq.net-ի, հաղորդում է թուրքական «Gazete Duvar» պարբերականը։

Աղբյուրի փոխանցմամբ՝ Հաքքարի նահանգի գավառներում ասորական համայնքի համար նշանակություն ունեցող 150 եկեղեցիների էական մասը փլվել է, իսկ կանգուն մնացած 30 եկեղեցիներն էլ ավիրվում են գանձագողերի կողմից։ Լրագրող Էմին Սարըի 40 րոպեանոց «Անարձագանք ճիչ» ֆիլմը նվիրված է դեռ կանգուն մնացած եկեղեցիների թեմային։

Ֆիլմն սկսել է նկարահանվել 2 ամիս առաջ։ Վերջին նկարահանումն իրականացվել է Քըրըքդաղ (Դեզե) հովտում գտնվող Սուրբ Շալիթա վանքում։ Ֆիլմի հեղինակ Էմին Սարըն լրատվամիջոցի թղթակցի հետ զրույցում նշել է, թե Հաքքարիում շատ նշանավոր պատմական կառույցներ կան, և որ իրենք ցանկանում էին ուսումնասիրել դրանք, սակայն մինչ այդ հնարավորությունները չէին բավարարում։ Ի վերջո ֆիլմի հեղինակը և իր թիմը իրենց նախագիծը ներկայացրել են Թուրքիայի լրագրողների միությանը, որն էլ ընդունել է այն ֆինանսավորելու առաջարկը։ Ֆիլմի հեղինակը նաև հայտնել է, որ մեկ ամիս հետո ֆիլմը պատրաստ կլինի։

Սարըն ընդգծելով, որ Հաքքարիում եկեղեցիներ և այլ հոգևոր կառույցներ անտեր են մնացել, հավելել է․ «Եկեղեցիների և վանքերի էական մասը շուտով լիովին կքանդվի։ Դրանք չեն պահպանվում։ Հուսով եմ՝ այս ֆիլմի միջոցով հետաքրքրություն կառաջանա սույն շինությունների հանդեպ։ Ցանկանում ենք թե՛ ասորի ժողովրդին ներկայացնել և թե՛ աշխատանքներ սկսել այդ եկեղեցիների պահպանման ուղղությամբ»։

Նեստորականների վերաբերյալ ուսումնասիրություններ իրականացրած՝ Հաքքարիի համալսարանի դասախոս Յաշար Քափլան իր հերթին հայտնել է․ «Սուրբ Շալիթա վանքը անտուն մարդկանց բույնն էր։ Տեղյակ չենք, թե երբ է այն կառուցվել, սակայն այս վայրը դարձել էր չքավոր մարդկանց հավաքատեղի։ Նախկինում այստեղ էին մնում իրենց կյանքը հավատքին և աղոթքին նվիրված հոգևորականները, ովքեր չէին ամուսնանում։ Երբ նրանք լքեցին Հաքքարին, այս տեղերն անտեր մնացին։ Դեռևս 20-30 տարի առաջ այս վայրերը կանգուն էին։ Գյուղացիները տեր էին կանգնում նրանց։ Սակայն հետագայում գանձագողերը մեծ ավիրումների տեղիք տվեցին։ Այսպիսի սուրբ և պատմական վայրերը շատ էական են մեր երկրի համար։ Ակնկալում ենք, որ նմանատիպ կառույցները վերանորոգվեն և բացվեն զբոսաշրջությունը զարգացնելու նկատառմամբ»։

Քրդերենով նկարահանված փաստագրական ֆիլմի մոնտաժային աշխատանքները շուտով կավարտվեն, որից հետո այն պատրաստ կլինի ցուցադրման համար։

https://www.gazeteduvar.com.tr/hakkarideki-kiliseler-belgesel-oldu-sahipsiz-ciglik-haber-1502742

Թարգմանեց Մելինե Անումյանը

Akunq.net

Հայաստանը՝ անտիրապետելին
28 Նոյեմբերի 2020, 11:06 Հայաստանը՝ անտիրապետելին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica