close
Եղանակը Երևանում
5 Դեկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
5 Դեկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Աշխարհը հայտարարություններից զատ պետք է նաև գործնական քայլեր անի. երևի մտածում են՝ պատերազմն իրենցից շատ հեռու է, բայց սխալվում են. Վահրամ Բալայան

Հասարակություն

19 Հոկտեմբերի 2020, 21:14
 Աշխարհը հայտարարություններից զատ պետք է նաև գործնական քայլեր անի. երևի մտածում են՝ պատերազմն իրենցից շատ հեռու է, բայց սխալվում են. Վահրամ Բալայան

Աշխարհը հայտարարություններից զատ պետք է նաև գործնական քայլեր անի, որոնք, ցավոք, չկան: Երևի մտածում են՝ պատերազմն իրենցից շատ հեռու է, բայց կարծում եմ՝ սխալվում են: Այս մասին Tert.am-ի հետ զրույցում ասաց Արցախի Հանրապետության Ազգային ժողովի արտաքին հարաբերությունների մշտական հանձնաժողովի նախագահ Վահրամ Բալայանը՝ անդրադառնալով ադրբեջանական ագրեսիային միջազգային հանրության ու կառույցների արձագանքին:

Նրա խոսքով՝ ընդհանուր առմամբ, տեղեկատվական դաշտին, քաղաքական գործիչների հայտարարություններին հետևելով՝ կարելի է ասել՝ ըմբռնումով են մոտենում հայկական կողմին, որ այսօր հայ-ադրբեջանական պատերազմ չէ, դրանում ներառված է Թուրքիան և ահաբեկչական խմբեր, որոնք Մերձավոր Արևելքից տեղափոխվել են և տարածաշրջանը նոր կրակի մեջ են նետում:

«Այս պարագայում աշխարհն անհանգիստ է: Պատերազմը քայլ առ քայլ մոտենում է Եվրոպայի, ՌԴ-ի սահմաններին: Քննադատող խոսք է հնչում, բայց երևի մտածում են՝ պատերազմն իրենցից շատ հեռու է, բայց կարծում եմ՝ սխալվում են, որովհետև այսօրվա տեխնոլոգիաների զարգացման պարագայում երկրագունդը բավականին փոքր է, և եթե քայլեր չկատարեն, պատերազմը «կչոքի իրենց դռանը»»,-ասաց Բալայանը:

Վերջինիս կարծիքով՝ կրակի դադարեցմանը պետք է հասնել ԵԱՀԿ Մինսկի խմբի համանախագահ երկրների միջնորդությամբ, մանավանդ, որ այդ երկրները ուժային կենտրոններ են ներկայացնում և ունեն համապատասխան ռեսուրսներ՝ իրավիճակի վրա ազդելու և իսկապես կանխելու այն զարգացումները, որ տեղի են ունենում այս տարածաշրջանում: «Կարծում եմ՝ մեծ ցանկություն ունենալու պարագայում հնարավոր է հասնել ռազմական գործողությունների դադարեցմանը»,-նշեց նա:

Նյութն ամբողջությամբ՝ սկզբնաղբյուր կայքում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica