close
Եղանակը Երևանում
30 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
30 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լոս Անջելեսում հիմնադրվել է հայ-ամերիկյան արագ արձագանքման կենտրոնացված լրատվական ծառայություն

Աշխարհ

1 Հոկտեմբերի 2020, 20:53
 Լոս Անջելեսում հիմնադրվել է հայ-ամերիկյան արագ արձագանքման կենտրոնացված լրատվական ծառայություն

Լոս Անջելեսում հիմնադրվել է հայ-ամերիկյան արագ արձագանքման կենտրոնացված լրատվական ծառայություն՝ նպատակ ունենալով հակազդել տեղեկատվական դաշտում ադրբեջանական ապատեղեկատվությունների տարածմանը: Այս մասին տեղեկացնում են Armenian American Central Press-ից:

«Հաշվի առնելով մեր հայրենիքում ստեղծված պատերազմական իրադրությունը և այդ ընթացքում հայալեզու և օտարալեզու հրատապ տեղեկատվության տարածման կարևորությունը, մենք հիմնադրում ենք նախադեպը չունեցող արագ արձագանքման միասնական լրատվական կենտրոն Լոս Անջելեսում»,- ասված է հաղորդագրությունում:

AACP-Armenian American Central Press-ը ուղղորդված և թիրախային ընթացք է տալու լրատվական հոսքին ինչպես ամերիկյան, այնպես էլ հայաստանյան լրատվամիջոցներում, սոցիալական հարթակներում և մամուլի հաղորդագրություններ տարածելով՝ այսպիսով իրականացնելով կարևոր գործառույթ հայրենիքում ընթացող մարտական գործողություններին զուգահեռ տարվող տեղեկատվական պատերազմում։

Նախագծի հիմնադիրը Հորիզոն TV-ի գլխավոր պրոդյուսեր, ծրագրերի տնօրեն Վրույր Թադևոսյանն է։ AACP-ն գործելու է Լոս Անջելեսի Հորիզոնի հայկական հեռուստաընկերության կազմում, միավորելու է մեդիա ոլորտի ներկայացուցիչների և ՏՏ ոլորտի երիտասարդ մասնագետների, ովքեր կիրականացնեն այս կարևոր աշխատանքը Արցախյան պատերազմի ընթացքում։

Այս միջոցով հնարավոր կլինի համախմբել հայկական Սփյուռքի այս մեծ գաղթօջախին, ավելի թիրախային եւ արդյունավետ դարձնել պատերազմական իրավիճակում հրատապ տեղեկատվության երկլեզու տարածումն ու կառավարումը, հայրենիքի աջակցության ծրագրերի իրականացման արդյունավետ կազմակերպումը՝ այսպիսով նոր ժամանակների Արցախյան պատերազմի հաղթական ելքում ունենալով նաև սեփական ներդրումը։

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը: Ադրբեջանի հարձակման հետևանքով Արցախում ընդհանուր առմամբ զոհվել է 7 քաղաքացի: Ադրբեջանի ԶՈՒ-ն թիրախավորել է նաև ՀՀ զինվորական և քաղաքացիական ենթակառուցվածքները, որի արդյունքում Վարդենիսի շրջանում սպանվել է 1 քաղաքացիական անձ և այրվել է քաղաքացիական ավտոբուս` Ադրբեջանի ԶՈՒ-ին պատկանող ԱԹՍ-ի հարվածից: Հայտնաբերվել են փաստեր՝ Թուրքիայի ներգրավվածության վերաբերյալ: Սեպտեմբերի Թուրքիայի F-16 կործանիչը ՀՀ օդային տարածքում խոցել է հայկական ռազմաօդային ուժերի ՍՈւ-25 գրոհիչը, զոհվել է օդաչուն:

Հայկական զինուժն ունի 103 զոհ և շուրջ 120 վիրավոր տարբեր աստիճանի մարմնական վնասվածքներով։ ՀՀ-ում և Արցախում հայտարարվել է ռազմական դրություն և ընդհանուր զորահավաք։ Արցախի ուղղությամբ Ադրբեջանի կողմից սանձազերծված գործողությունների արդյունքում, ճշտված տեղեկություններով, ադրբեջանական կողմն ունի մարդկային շուրջ 1280 կորուստ և 2700 վիրավոր:

Հակառակորդը կորցրել է 90 ԱԹՍ, 12 ուղղաթիռ, 181 զրահատեխնիկա, 4 ինքնաթիռ, 2 «Սմերչ», 3 ՏՈՍ-1Ա ծանր հրանետային համակարգ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica