close
Եղանակը Երևանում
28 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
28 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փաշինյանը ակնհայտ է համարում Թուրքիայի և Ադրբեջանի համաձայնեցված գործողությունները Արցախի դեմ

Քաղաքական

29 Սեպտեմբերի 2020, 22:10
 Փաշինյանը ակնհայտ է համարում Թուրքիայի և Ադրբեջանի համաձայնեցված գործողությունները Արցախի դեմ

Ադրբեջանը նախապես պլանավորված ագրեսիա է սկսել Լեռնային Ղարաբաղի ժողովրդի դեմ: Բրիտանական «The Spectator» ամսագրին տված հարցազրույցում այս մասին ասել է ՀՀ վարչապետ Նիկոլ Փաշինյանը:

«Ինչպես գիտեք, այնտեղ հայեր են ապրում: Մենք բարոյական և քաղաքական պարտականություն ունենք պաշտպանել այնտեղի մեր հայրենակիցներին: Հայաստանը Լեռնային Ղարաբաղի անվտանգության երաշխավորն է: Իրավիճակն այժմ սրվում է, քանի որ Ադրբեջանը շարունակում է կրակ արձակել Լեռնային Ղարաբաղի ուղղությամբ՝ փորձելով ռազմական ուժի միջոցով լուծում պարտադրել, ինչը, ի դեպ, արվում է Թուրքիայի անմիջական աջակցությամբ»,- նշել է վարչապետը:

Վարչապետը շեշտել է, որ շատ կարևոր է հասկանալ, թե որն է Լեռնային Ղարաբաղի հակամարտության էությունը:

«Երբ կարդում եմ միջազգային լրատվամիջոցների վերնագրերը, հասկանում եմ, որ լուրջ թյուրիմացություն է տեղի ունեցել: Սա տարածքային վեճ չէ Հայաստանի և Ադրբեջանի միջև: Խնդիրը Լեռնային Ղարաբաղի ժողովրդի ինքնորոշման իրավունքն է: Խորհրդային Միության կամայական որոշման արդյունքում տարածաշրջանը հայտնվեց Ադրբեջանի տարածքում: Հայերը միշտ եղել են սպառնալիքի տակ: Սկզբում այն թաքնված էր, բայց հետագայում այն տեսանելի դարձավ: Երբ սկսվեց Խորհրդային Միության փլուզումը, հայերը որոշեցին օգտագործել իրենց ինքնորոշման իրավունքը: Ինչպես Ադրբեջանն առանձնացավ Խորհրդային Միությունից, այնպես էլ Լեռնային Ղարաբաղը առանձնացավ Ադրբեջանից: Ի դեպ, դա ամբողջովին խաղաղ գործընթաց էր: Ադրբեջանը հենց սկզբից արձագանքեց այս գործընթացին բռնի ուժով, ջարդերով, սպանություններով: Եվ այդ պահից սկսվեց հակամարտությունը: Ցավոք, միջազգային հանրությունը խորապես սխալ է հասկանում Լեռնային Ղարաբաղի հակամարտության էությունը: Խոսքը տարածքի մասին չէ: Դա մարդկանց, մարդկանց անվտանգության մասին է: Լեռնային Ղարաբաղի հայերը, ովքեր միշտ եղել են Լեռնային Ղարաբաղի բնակչության ճնշող մեծամասնությունը, ցանկանում են օգտագործել իրենց ազատության, անկախության և ինքնորոշման իրավունքը»,- ընդգծել է Փաշինյանը:

Փաշինյանը ակնհայտ է համարում Թուրքիայի և Ադրբեջանի համաձայնեցված գործողությունները:

«Թուրքիան վերահսկում է ողջ գործընթացը, նրանք չեն փորձում դա թաքցնել: Սա իրականում շատ հրապարակային գործընթաց է: Ես նշեցի Լեռնային Ղարաբաղի հայության առջև ծառացած սպառնալիքը: Բայց երբ նշում եք Թուրքիային, մտածեք այն էքզիստենցիալ սպառնալիքի մասին, որին հայերը բախվել են Թուրքիայի կողմից մեր պատմության ընթացքում: Ինչպես գիտեք, 20-րդ դարի առաջին ցեղասպանությունը իրականացվեց Օսմանյան Թուրքիայում, երբ սպանվեց 1,5 միլիոն հայ: Մինչ այժմ Թուրքիան ոչ միայն հրաժարվել է ճանաչել Հայոց ցեղասպանության փաստը, Թուրքիան, ըստ էության, շարունակում է իր քաղաքականությունը հայերի դեմ: Ինչ վերաբերում է մեր հնարավորություններին, ապա կրկնում եմ` մեզ համար սա էքզիստենցիալ սպառնալիք է, և մենք մեզ պաշտպանելուց բացի այլ բան չունենք»,- ընդգծել է Փաշինյանը:

ՏԵՍԱՆՅՈՒԹ. ԱԺ արտահերթ նիստը
27 Հոկտեմբերի 2020, 18:30 HES_VIDEOՏԵՍԱՆՅՈՒԹ. ԱԺ արտահերթ նիստը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica