close
Եղանակը Երևանում
20 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
20 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄՆ Կոնգրեսի Ներկայացուցիչների պալատն ընդունեց կառավարության ֆինանսավորման փաստաթուղթը

Աշխարհ

23 Սեպտեմբերի 2020, 11:46
 ԱՄՆ Կոնգրեսի Ներկայացուցիչների պալատն ընդունեց կառավարության ֆինանսավորման փաստաթուղթը

ԱՄՆ Կոնգրեսի Ներկայացուցիչների պալատը սեպտեմբերի 22-ի երեկոյան ձայների մեծամասնությամբ ընդունել է դաշնային կառավարության՝ մինչեւ դեկտեմբերի 11-ը ժամանակավոր ֆինանսավորման օրինագիծը: Նիստը հեռարձակվել է օրենսդիր մարմնի ստորին պալատի կայքում. հաղորդում է ՏԱՍՍ-ը:

Փաստաթուղթը պաշտպանել է 359 կոնգրեսական, դեմ է հանդես եկել 57-ը: Politico թերթի տվյալներով՝ քվեարկությանը նախորդել է Ներկայացուցիչների պալատի խոսնակ Նենսի Փելոսիի համաձայնությունը, որը ներկայացնում է Դեմոկրատական կուսակցությունը, ԱՄՆ ֆինանսների նախարար Սթիվեն Մնուչինի հետ ֆերմերներին օգնություն եւ դպրոցականներին սնունդ տրամադրելու շուրջ: Այժմ օրինագիծը պետք է քվեարկության դրվի Սենատում: Միացյալ Նահանգների օրենսդիր մարմնի վերին պալատի կողմից հավանություն ստանալու դեպքում այն ստորագրման կներկայացվի ԱՄՆ նախագահին:

Նախաձեռնությանը պետք է հավանություն տրվի մինչեւ սեպտեմբերի 30-ը, երբ երկրում ավարտվում է 2020 ֆինանսական տարին: ԱՄՆ բյուջեի չընդունման դեպքում հնարավոր է նոր «շաթդաուն»՝ կառավարության աշխատանքի դադարեցում: Վերջին անգամ դա տեղի է ունեցել 2018 թվականի դեկտեմբերի 22-ին, ինչի հետեւանքով պետական ծառայողներն արձակուրդ գնացին ռեկորդային՝ 35 օրով: ԱՄՆ նախագահ Դոնալդ Թրամփը եւ հանրապետականներն այն ժամանակ ձգտում էին 2019 ֆինանսական տարվա պետբյուջեում ավելի քան 5,7 միլարդ դոլար ներառել Մեքսիկայի հետ սահմանին արգելապատի կառուցման համար։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica