close
Եղանակը Երևանում
20 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
20 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ստամբուլում գտել են ռուսական ծագմամբ ամերիկացի լրագրողի մարմինը

Քաղաքական

22 Սեպտեմբերի 2020, 18:15
 Ստամբուլում գտել են ռուսական ծագմամբ ամերիկացի լրագրողի մարմինը

Ռուսական ծագմամբ ամերիկացի լրագրող Անդրե Վլչեկին սեպտեմբերի 22-ին Ստամբուլում մեռած են գտել իր ավտոմեքենայի մեջ: Ոստիկանությունը նրա մահվան հանգամանքները դիտարկում է որպես կասկածելի: Այդ մասին, ինչպես տեղեկացնում է «ՌԻԱ Նովոստին», հաղորդել է NTV հեռուստաալիքը: Հաղորդվում է, որ 57-ամյա լրագրողը կնոջ ու երկու վարորդների հետ Ստամբուլ էր ժամանել Թուրքիայի Սամսունի հյուսիսային նահանգից: Ստամբուլի Քարաքեյի շրջանում գտնվող հյուրանոց հասնելուց հետո, որտեղ նրանք պլանավորել էին իջեւանել, կինը փորձել է արթնացնել քնած Վլչեկին, բայց նա կենդանության նշաններ չի ցուցաբերել:

Լրագրողի մահվան փաստով հետաքննություն է սկսվել: Վլչեկը, որը ծնվել է Լենինգրադում, ԱՄՆ-ի քաղաքացիություն ստանալուց հետո երկար ժամանակ որպես զինվորական թղթակից աշխատել է բազմաթիվ երկրների հակամարտությունների գոտիներում՝ Բոսնիայում, Արեւելյան Թիմորում, Շրի-Լանկայում, Կոնգոյում եւ այլ երկրներում: Նա հայտնի է որպես լրագրողական հետաքննությունների հեղինակ, ռեժիսոր, լուսանկարիչ, դրամատուրգ, ինչպես նաեւ ամերիկացի լեզվաբան եւ փիլիսոփա Նաոմի Հոմսկու գրած «Արեւմտյան ահաբեկչության մասին» գրքի համահեղինակն է։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica