close
Եղանակը Երևանում
26 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
26 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Այսօր կարևոր է յուրաքանչյուրիս գիտակցումը, որ ազգային իղձերի իրականացման երաշխիքը ՀՀ-ի, Արցախի և ողջ սփյուռքի միասնականությունն է․ Իրանում ՀՀ դեսպան

Աշխարհ

21 Սեպտեմբերի 2020, 15:47
 Այսօր կարևոր է յուրաքանչյուրիս գիտակցումը, որ ազգային իղձերի իրականացման երաշխիքը ՀՀ-ի, Արցախի և ողջ սփյուռքի միասնականությունն է․ Իրանում ՀՀ դեսպան

ՀՀ Անկախության 29-րդ տարեդարձի կապակցությամբ շնորհավորանքներին միացել է նաև ԻԻՀ-ում ՀՀ արտակարգ և լիազոր դեսպան Արտաշես Թումանյանը.

«Սիրելի´ հայրենակիցներ,

Ի սրտե շնորհավորում եմ ձեզ Հայաստանի Հանրապետության անկախության 29-րդ տարեդարձի կապակցությամբ, մաղթում բոլորիդ առողջություն և երջանկություն:

Ներկա բարդ պայմաններում Հայաստանը կարողացել է ապահովել իր անվտանգությունն ու սոցիալ-տնտեսական կայունությունը, մյուս կողմից՝ հանդես գալ տարածաշրջանում և աշխարհում որպես խաղաղության ու երկրների միջև փոխշահավետ համագործակցության ջատագով:

Հայաստանի և Իրանի հարաբերությունները եղել և մնում են բարեկամական և գործընկերային: Մեր երկրները կորոնավիրուսային համավարակով պայմանավորված աննախադեպ դժվարությունների պայմաններում կարողացան պահպանել համագործակցության բավականաչափ բարձր մակարդակ, և կասկած չկա, որ առաջիկայում հաջողությամբ կյանքի են կոչվելու բազմաթիվ համատեղ նախագծեր և ծրագրեր:

Այս տոնական օրը չափազանց կարևոր է յուրաքանչյուրիս համոզված գիտակցումը, որ մեր ազգային իղձերի և երազանքների իրականացման լավագույն երաշխիքը Հայաստանի, Արցախի և ողջ սփյուռքի միասնականությունն է:

 

Սիրելի´ հայրենակիցներ, մաղթում եմ բոլորիդ խաղաղություն և բարեկեցություն, մեր պետությանը՝ զարգացում և բարգավաճում:

Բարին ընդ ձեզ»,-նշված է ուղերձում:

Արցախի ճանաչման պահն է
25 Հոկտեմբերի 2020, 15:37 Արցախի ճանաչման պահն է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica