close
Եղանակը Երևանում
30 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
30 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նոր Զելանդիայի տնտեսությունն ամենամեծ եռամսյակային անկումն է արձանագրել 1987 թվականից ի վեր

Տնտեսական

20 Սեպտեմբերի 2020, 14:36
 Նոր Զելանդիայի տնտեսությունն ամենամեծ եռամսյակային անկումն է արձանագրել 1987 թվականից ի վեր

Նոր Զելանդիայի համախառն ներքին արդյունքը (ՀՆԱ) ընթացիկ տարվա հունիսի վերջին 12,2 տոկոսով կրճատվել է համավարակի բացասական ազդեցության պատճառով: Ինչպես հաղորդել է Վիճակագրության պետական բյուրոն, որը հրապարակել է 2020 թվականի երկրորդ եռամսյակի հաշվետվությունը, այդ անկումը դարձել է ամենազգալին ավելի քան 30 տարվա ընթացքում։

Բյուրոյի տվյալներով՝ երկրի տնտեսությունն անկման շրջան է մտել մարտին, սակայն այն ժամանակ Նոր Զելանդիայի համախառն ներքին արդյունքը կրճատվել է սոսկ 1,4 տոկոսով: «Համախառն ներքին արդյունքը 12,2 տոկոսով նվազել է 2020 թվականի հունիսին, ինչը դարձել է ամենամեծ եռամսյակային անկումը, որն արձանագրվել է 1987 թվականից ի վեր»,- նշված է գերատեսչության հայտարարության մեջ: 

Ազգային տվյալների առաջատար մասնագետ Փոլ Փեսքոուի խոսքով՝ ՀՆԱ-ի այդ կրճատումը նաեւ դարձել է «ամենամեծը Նոր Զելանդիայի պատմության մեջ»: Գերատեսչությունում հայտնել են, որ COVID-19-ի համավարակի բացասական տնտեսական հետեւանքների պատճառով զգալի անկում է արձանագրվել երկրի տնտեսության գործնականում բոլոր ճյուղերում:

Ընդհանուր սպառողական ծախսերը նվազել են ավելի քան 25 տոկոսով, իսկ արտադրության ընդհանուր մակարդակը՝ 21,1 տոկոսով: Գործազրկության մակարդակը կազմել է 4 տոկոս՝ երկրորդ եռամսյակում նվազելով 0,2 կետով: Տեխնիկական ռեցեսիան՝ ՀՆԱ-ի երկու եռամսյակային նվազումը, նախկինում Նոր Զելանդիայում նշվել է 2009 թվականին, երբ երկրի տնտեսությունը 0,1 տոկոսով կրճատվել էր առաջին եռամսյակում եւ 1 տոկոսով՝ երկրորդ եռամսյակում, հաղորդել է ՏԱՍՍ-ը:

Արցախը նոր հերոս ունի
30 Հոկտեմբերի 2020, 14:17 Արցախը նոր հերոս ունի
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica