close
Եղանակը Երևանում
26 Սեպտեմբերի 2020
+26°
+27°Ցերեկ
+17°Գիշեր
weather
close
Փոխարժեք
26 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանի Պրեմիեր լիգայի մեկնարկային «Ալաշկերտ»-«Արարատ-Արմենիա» խաղում դարպասի գրավում չեղավ

Հասարակություն

14 Օգոստոսի 2020, 20:11
 Հայաստանի Պրեմիեր լիգայի մեկնարկային «Ալաշկերտ»-«Արարատ-Արմենիա» խաղում դարպասի գրավում չեղավ

Հայաստանի ֆուտբոլի Պրեմիեր լիգան մեկնարկեց «Նաիրի» մարզադաշտում, որտեղ «Ալաշկերտ»-ը սեփական հարկի տակ ընդունեց գործող չեմպիոն «Արարատ-Արմենիա»-ին:

Մեկնարկային րոպեներին ակնհայտ էր, որ թիմերը դեռևս զուսպ խաղ էին ցուցադրում` ուսումնասիրելով մեկ մեկու ուժեղ և թույլ կողմերը: Առաջին 20 րոպեներին թիմերն անընդմեջ փոխանակվում էին գրոհներով: «Ալաշկերտ»-ը 24-րդ րոպեին իրական հնարավորություն ուներ բացելու խաղի հաշիվը, երբ Գալվաո դա Սիլվան միայնակ դուրս եկավ դարպասապահի դիմաց, սակայն անթերի գործեց «Արարատ-Արմենիա»-ի դարպասապահ Ստեֆան Չուպիչը: Խաղակեսի վերջնամասում էլ հնարավորություն ուներ երկրի կրկնակի չենպիոնը, սակայն թիմերը հանգստի գնացին զրոյական ոչ-ոքի հաշվով:

Երկրորդ կեսը առավել ակտիվ սկսեց «Ալաշկերտ»-ը: Խաղի կրքերը բորբոքվեցին և երկրորդ դեղին քարտը ստանալով հեռացվեց «Արարատ-Արմենիա»-ի ավագ Սարգիս Շահինյանը, ով աչքի ընկավ կոպիդ խաղով: Խաղակեսի վերջնամասում «Ալաշկերտ»-ն մեծ ուժերով էր գրոհում և տիրել էր նախաձեռնությանը:

Ի վերջո Հայաստանի Պրեմիեր լիգայի մեկնարկային խաղում դարպասի գրավում չարձանագրվեց`«Ալաշկերտ»-«Արարատ-Արմենիա»` 0:0:

Հանդիպմանը տրիբունայից հետևում էր Հայաստանի ֆուտբոլի ազգային թիմի գլխավոր մարզիչ Խոակին Կապարոսը:

Օգոստոսի 15-ին իր նորամուտը Պրեմիեր լիգայում կնշի «Վան»-ը, ում հակառակորդը կլինի «Գանձասար-Կապան»-ը: Այս խաղը կկայանա Չարենցավանի մարզադաշտում և կմեկնարկի 17:30-ին: Օգոստոսի 16-ին կկայանա երկու հանդիպում` «Նոա»-«Շիրակ» և «Արարատ»-«Փյունիկ»: Երկու խաղերը կանցկացվեն Երևանում և կմեկնարկեն համապատասխանաբար 17:30-ին և 19:30-ին: Եվ անդրանիկ տուրը կեզրափակվի օգոստոսի 17-ին «Ուրարտու»-«Լոռի» խաղով: Այն նախատեսված է 19:00-ին:

Ի՞նչ է «իԳործ»-ը. մանրամասներ
26 Սեպտեմբերի 2020, 14:01 Ի՞նչ է «իԳործ»-ը. մանրամասներ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica