close
Եղանակը Երևանում
1 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
1 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Չինաստանը մեղադրել է Պոմպեոյին «քաղաքական վիրուս» տարածելու մեջ

Աշխարհ

13 Օգոստոսի 2020, 17:14
 Չինաստանը մեղադրել է Պոմպեոյին «քաղաքական վիրուս» տարածելու մեջ

ԱՄՆ պետքարտուղար Մայք Պոմպեոն անընդհատ քննադատում և մեղադրում է Չինաստանին, որտեղ էլ որ գնա, նա ամենուրեք ապատեղեկատվություն և «քաղաքական վիրուս» է տարածում. հայտարարել է Չինաստանի արտգործնախարարության խոսնակ Չժաո Լիցզյանը:

Ավելի վաղ ԱՄՆ պետքարտուղար Մայք Պոմպեոն, ելույթ ունենալով Չեխիա կատարած այցի ընթացքում Սենատում, հայտարարել էր, որ Ռուսաստանը ձգտում է խարխլել Չեխիայի անվտանգությունը, տարածել ապատեղեկատվություն և կիբերհարձակումներ իրականացնել, իսկ Չինաստանը փորձում է ամենուրեք վերահսկել բիզնեսը: Պոմպեոն նաև հայտարարել է, որ Չինաստանը ժողովրդավարության համար նույնիսկ ավելի մեծ սպառնալիք է ներկայացնում, քան Ռուսաստանը:

«Պոմպեոն, առաջնորդվելով Սառը պատերազմի գաղափարներով և սեփական եսասիրական շահերով, կրկին ու կրկին անհիմնորեն քննադատում է Չինաստանի Կոմունիստական կուսակցությունը, ինչպես նաև ՉԺՀ-ի ներքին և արտաքին քաղաքականությունը» , - նշել է չինացի գործիչը։

Չինաստանի արտգործնախարարության խոսնակը շեշտել է, որ «Պոմպեոն, ուր էլ գնա, ամենուրեք կրում և տարածում է «քաղաքական վիրուս» և ապատեղեկատվություն:

«Ես կցանկանայի օգտվել այս առիթից, լրատվամիջոցներին խնդրելու՝ հարցնել պարոն Պոմպեոյին, արդյոք իրեն մեղավոր է զգում, երբ նա այդքան ոգևորված կրկնում է ստերը, օր օրի անտեսում և խեղաթյուրում փաստերը», - ասել է Լիցզյանը:

Դիվանագետի խոսքով՝ Պոմպեոն և նրա նման այլ անձինք փորձում են «միջազգային հանրությունը կապել հակաչինական և հակակոմունիստական կառքին», բայց միջազգային հանրությունը դա տեսնում է շատ հստակ և թույլ չի տա իրեն համոզել, հետևաբար նման փորձերը չեն պսակվելու հաջողությամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica