close
Եղանակը Երևանում
30 Սեպտեմբերի 2020
+16°
+27°Ցերեկ
+15°Գիշեր
weather
close
Փոխարժեք
30 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Օգոստոսի 9-ը Գրքասերների համաշխարհային օրն է

Հասարակություն

9 Օգոստոսի 2020, 10:11
 Օգոստոսի 9-ը Գրքասերների համաշխարհային օրն է

Բազմաթիվ տոներ, ծնվելով որեւէ երկրում եւ ունենալով ազգային կարգավիճակ, ժամանակի ընթացքում դարձել են միջազգային (թեկուզ՝ ոչ պաշտոնական)՝ շնորհիվ այն բանի, որ նրանց ժողովրդականությունը տարածվել է պետության սահմաններից դուրս, գրում է Calend.ru-ն:

Այդպես է եղել նաեւ ԱՄՆ Գրքասերների ազգային օրվա հետ: Հայտնվելով Ամերիկայում՝ տոնը գրեթե անմիջապես երկրպագուներ է գտել աշխարհի այլ անկյուններում՝ դառնալով Գրքասերների համաշխարհային օր (Book Lovers Day): Այն ամեն տարի նշվում է օգոստոսի 9-ին:

Հարկ է նշել, որ ընթերցանության հանդեպ սերը, որը տարբեր կերպ է ձեւակերպվում, սակայն պահպանվում է տարբեր ժողովուրդների ավանդույթներում, ծնունդ է տվել եզակի մշակութային երեւույթ հանդիսացող գրքին նվիրված միջազգային կարգավիճակի մի քանի տոների:

Այս տոնը նշում են գրողները, բանաստեղծները, գրականագետները, հրատարակիչները, տպարանները, գրախանութները եւ, իհարկե, ընթերցողները` այն մարդիկ, ում համար իրականում ստեղծվում է գիրքը: Գիրքը պահանջված պահողին՝ ընթերցողին է առաջին հերթին նվիրված Գրաքասերների համաշխարհային օրը:

Գրքի հմայքը մի տեսակ հատուկ առեղծված է: Կարդալ սիրող մարդու համար, անկախ նրանից, թե որ գրական ժանրն է նա նախընտրում, սիրելի գրքի հետ հանդիպումը ցանկալի պահ է, իսկ նոր ստեղծագործություն կարդալու սկիզբը՝ առեղծված, որը պետք է բացահայտել, աշխարհ, որի մեջ պետք է ընկղմվել գիտակցությամբ եւ երեւակայությամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica