close
Եղանակը Երևանում
1 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
1 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ժողովրդագրական խնդիր լուծել հնարավոր է միայն բնակչության առնվազն պարզ վերարտադրության ապահովմամբ. Միքայել Մալխասյան

Հասարակություն

8 Օգոստոսի 2020, 12:02
 Ժողովրդագրական խնդիր լուծել հնարավոր է միայն բնակչության առնվազն պարզ վերարտադրության ապահովմամբ. Միքայել Մալխասյան

ԵՊՀ Հայոց պատմության ամբիոնի դոցենտ, պատմական ժողովրդագրության մասնագետ Միքայել Մալխասյանը գրում է.

Այսօր դիտեցի Սփյուռքի գործերի գլխավոր հանձնակատարի ելույթը, որտեղ նա հանդես է գալիս ՀՀ ժողովրդագրական խնդիրները լուծողի դերում: Ես սովորաբար չեմ անդրադառնում պաշտոնատար անձանց ելույթներին, բայց այս անգամ չեմ կարող անտարբեր լինել, քանի որ խնդիրն առնչվում է ՀՀ ժողովրդագրական անվտանգությանը: Ամենայն հարգանքով մեծահարգ պաշտոնյայի նկատմամբ` պետք է փաստեմ, որ ժողովրդագրական խնդիր ժողովրդագրական անցման արդի փուլում միգրացիայով չեն լուծում: Ժամանակակից հետազոտություններում արդեն պարզ ճշմարտություն է, որ միայն բնակչության ընդլայնված կամ առնվազն պարզ վերարտադրության ապահովումն է նշանակում լուծել ժողովրդագրական խնդիր: Չափազանց ուրախալի կլինի, երբ գործնական քայլեր ձեռնարկվեն հայրենադարձության կազմակերպման ուղղությամբ, սակայն արաբների և այլ էթնոսների` ՀՀ-ում վերաբնակեցնելու մասին հանձնակատարի հայտարարությունը չի կարող լինել լուծում ՀՀ ժողովրդագրական խնդիրների համար: Այն դեպքում, երբ արդեն 2022 թվականին (նախկինում մեր հաշվարկները ցույց էին տալիս 2024 թվից) ՀՀ-ում կարող է ավելի քիչ մարդ ծնվել, քան մահանալ, սեփական էթնոսի վերարտադրության և երկարաժամկետ հեռանկարում առհասարակ գոյության հարց կարող է բացվել: Նման ելույթներից առաջ անհրաժեշտ է, որ գոնե խորհրդականները հուշեն` Եվրոպայի Խորհրդի անդամ 30-ից ավելի երկրներում, Ռուսաստանի Դաշնությունում, Ճապոնիայում և տարբեր այլ երկրներում ժողովրդագրական քաղաքականության հայեցակարգային փաստաթղթերում հստակ նշված է, որ առաջնահերթ խնդիրը սեփական էթնոսների (դոմինանտ էթնոսի և ազգային փոքրամասնությունների) վերարտադրության, այսինքն` բնական աճի համար նպաստավոր պայմանների ապահովումն է: Ամենայն կարեկցությամբ, հարգանքով և սիրով նշյալ էթնոսների հանդեպ` հույս ունեմ, որ ելույթը կանխամտածված քաղաքականություն չէ և ասվել է պարզապես օրինակի համար:




HIGH FEST-ը հետաձգվում է...
30 Սեպտեմբերի 2020, 23:18 HIGH FEST-ը հետաձգվում է...
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica