close
Եղանակը Երևանում
29 Սեպտեմբերի 2020
+16°
+27°Ցերեկ
+15°Գիշեր
weather
close
Փոխարժեք
29 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լեհաստանի բնակիչները անհայտ սերմերով ծանրոցներ են ստացել Չինաստանից

Քաղաքական

7 Օգոստոսի 2020, 00:02
 Լեհաստանի բնակիչները անհայտ սերմերով ծանրոցներ են ստացել Չինաստանից

Չինաստանից անհայտ սերմեր են փոստով ստանում Լեհաստանի բնակիչները: Այդ մասին հաղորդել է Լեհաստանի հեռուստատեսությունը: «Առաջին այդպիսի հանելուկային ծանրոց ստացողներից մեկը եղել է Յավոժնոյի (Սիլեզի վոյեւոդություն) մի բնակչուհի: Կինը, սակայն, ծանրոց չէր պատվիրել Չինաստանից, եւ դա զգուշության առիթ էր դարձել»,-ասվում է հաղորդագրության մեջ:

Ծանրոց ստացողը դրա մեջ գտնվող սերմերը հանձնել է համապատասխան ծառայություններին:

«Նրան անհանգստացրել է այն, որ ծանրոցի մեջ եղել են ինչ-որ սերմեր, որոնք ոչ մի նշում չեն ունեցել, բոլոր մակագրությունները եղել են չինարեն: Նա նույնիսկ չի կարողացել հասկանալ, թե դրանք ինչ սերմեր են»,- ասում է բույսերի եւ սերմերի պաշտպանության կատովիցյան վոյեւոդության փոխտեսուչ Ագնեշկա Գուրսկայան:

«Փաթեթներում միայն սերմեր են: Սա շատ վտանգավոր իրավիճակ է: Դրանք կարող են սպառալ գյուղատնտեսական մշակաբույսերին»,- նշել է բույսերի եւ սերմերի պաշտպանության պետական տեսուչ Անջեյ Զամանը: Լեհական հեռուստատեսության տվյալներով՝ ավելի վաղ Չինաստանից հանելուկային սերմերով նմանօրինակ ծանրոցներ էին ստացել Մեծ Բրիտանիայում, Պորտուգալիայում, Իսպանիայում եւ ԱՄՆ-ում:

Ավելի վաղ նաեւ հաղորդել էր, որ Չինաստանից անանուն ուղարկողներից անհայտ ծանրոցներ են ստանում Ճապոնիայում: Հայտնել են, որ ծանրոցների վրա փոստի նշումը եւ նշված հետադարձ հասցեները նույնպես չինական են, բայց ՉԺՀ-ի ԱԳ նախարարությունը համառորեն պնդում է, որ փոստի դրոշմները կեղծված են եւ հերքում է իր երկրի որեւէ կապն առեղծվածային ծանրոցների հետ, հաղորդել է ՌԻԱ Նովոստին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica