close
Եղանակը Երևանում
2 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
2 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Թե՛ նախկին, թե՛ ներկա իշխանության օրոք իմ նկատմամբ ճնշումներ չեն եղել, չեն էլ կարող լինել․ դատավոր Պապոյան

Քաղաքական

31 Հուլիսի 2020, 14:06
 ՏԵՍԱՆՅՈՒԹ․ Թե՛ նախկին, թե՛ ներկա իշխանության օրոք իմ նկատմամբ ճնշումներ չեն եղել, չեն էլ կարող լինել․ դատավոր Պապոյան

Թե նախկին իշխանության, թե ներկա իշխանության օրոք իմ նկատմամբ ճնշումներ չեն եղել, չեն էլ կարող լինել` ըստ Yerkir.am-ի հայտարարեց Վերաքննիչ դատարանի դատավոր Մխիթար Պապոյանը Մարզահամերգային համալիրում այս պահին տեղի ունեցող Դատավորների ընդհանուր ժողովի մեկնարկին՝ լրագրողների հետ զրույցում:

«Իմ կարծիքով, դատավորի նկատմամբ ճնշումները թե՛ իշխանության, թե՛ ոչ իշխանության կողմից պայմանավորված են հենց դատավորի վարքագծով: Այսինքն, եթե դատավորը իրեն դրսևորում է այնպես, որ իրեն որևէ ճնշման չենթարկեն, որևէ մեկը չի ենթարկի»,-ասաց նա:

Այսինքն, այս երկու տարում որևէ բան չի՞ փոխվել՝ հարցին, Պապոյանը պատասխանեց. «Ինձ համար ոչինչ չի փոխվել: Ես ինչպես աշխատել եմ, նույն ձևով շարունակում եմ աշխատել: Եթե ինչ-որ բան կփոխվի, դա կլինի իմ վերջին աշխատանքային օրը»:

Դիտարկմանը, որ Կոռուպցիայի կանխարգելման հանձնաժողովը ստուգում է դատավորների հայտարարագրերը, արդյո՞ք նպատակը հասկանալն է, թե դատավորները ինչ-որ բան թաքցրե՞լ են կամ ապօրինի հարստացե՞լ են և ինքը նման մտավախությւոն չունի՞Պապոյանը պատասխանեց. «Չունեմ ընդհանրապես նման մտավախություն, որքան անհրաժեշտ է, այդքան կարող են ստուգել: Եթե հարցեր կան, որոնք իրենց համար պարզ չեն, կարող եմ նաև պարզաբանել»:

Դիտարկմանը, թե պնդումներ կան, որ դատավորների հայտարարագրերի ստուգումը կարող է մահակ դառնալ դատավորների գլխին և գործիք է՝ նրանցից ազատվելու համար, դատավորն արձագանքեց, թե նոր չէ, որ դատավորները յուրաքանչյուր տարի հայտարարագիր են լրացնում:

«Ես 2009 թվականից դատավոր եմ, այդ ժամանակվանից ինքս լրացրել եմ հայտարարագիր: Ցանկացած ժամանակ էլ, եթե այդ փաստաթղթում կան անճշտություններ, դրանք կարող են դատավորի հետ կապված խնդիրներ առաջացնել, այսինքն՝ այն անձի, որ հայտարարագիրը սխալ է լրացրել: Այսինքն՝ այնպես չէ, որ դա որևէ մեկի ցանկությունն է՝ ռեալիզացնել, թե ոչ, ցանկացած իրավական պետությունում, եթե կան  նման խնդիրներ, իհարկե, պետք է ռեալիզացվեն»,-ասաց նա:

Դիտարկմանը, թե մամուլի հրապարակումների համաձայն՝ դատավորների ընդհանուր ժողովի՝ ՍԴ դատավորի թեկնածուն Վճռաբեկ դատարանի նախագահ Երվանդ Խունդկարյանն է, և հարցին՝ ինչպե՞ս է վերաբերվում նրա թեկնածությանը, Պապոյանը պատասխանեց, թե այդ թեկնածուի մասին ինքը ևս մամուլից է տեղեկացել:

«Գաղտնի քվեարկություն է, ես չեմ ցանկանա մինչ քվերակությունն իմ դիրքորոշումն արտահայտել»,-ասաց նա:

Հիշեցնենք, Կարեն Դեմիրճյանի անվան մարզահամերգային համալիրում ընթանում է ՀՀ դատավորների ընդհանուր ժողովը։ Դատավորները պետք է կատարեն Սահմանադրական դատարանի դատավորի թեկնածուի, Բարձրագույն դատական խորհրդի դատավոր անդամի, ինչպես նաև դատավորների գործունեության գնահատման և Ուսումնական հարցերի հանձնաժողովների դատավոր չհանդիսացող անդամների թեկնածուների ընտրություն։

Ըստ մամուլի հրապարակումների՝ ՍԴ դատավորի թափուր տեղի համար իրենց թեկնածությունն են առաջադրել Վճռաբեկ դատարանի նախագահ Երվանդ Խունդկարյանը և  Տավուշի մարզի առաջին ատյանի ընդհանուր իրավասության դատարանի նախագահ Արման Կյուրեխյանը։

Մանրամասն՝ տեսանյութում․

Չհամարձակվե
1 Հոկտեմբերի 2020, 21:12 Չհամարձակվե
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica