close
Եղանակը Երևանում
14 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
14 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայ եկեղեցու Եվրոպայի թեմերի առաջնորդները դատապարտել են Ադրբեջանի սադրիչ գործողությունները

Քաղաքական

13 Հուլիսի 2020, 16:12
 Հայ եկեղեցու Եվրոպայի թեմերի առաջնորդները դատապարտել են Ադրբեջանի սադրիչ գործողությունները

Հայ Եկեղեցու Եվրոպայի թեմերի առաջնորդները, հայրապետական պատվիրակներն ու առաջնորդական տեղապահները հեռավար խորհրդակցություն են անցկացրել։

Ներկայացնում ենք խորհրդակցության վերաբերյալ հաղորդագրությունը․

«Այսօր, Հայ Եկեղեցու Եւրոպայի թեմերի առաջնորդները, հայրապետական պատուիրակներն ու առաջնորդական տեղապահներն ունեցան հերթական հեռավար խորհրդակցութիւնը, որին մասնակցեցին Արեւմտեան Եւրոպայի հայրապետական պատուիրակ Տ․ Խաժակ Արքեպս․ Պարսամեանը, Ռումինիայի Հայոց Թեմի առաջնորդ եւ Բուլղարիայի Հայոց Թեմի առաջնորդական տեղապահ Տ․ Տաթեւ Եպս․ Յակոբեանը, Անգլիայի Հայոց Թեմի առաջնորդ Տ․ Յովակիմ Եպս․ Մանուկեանը, Գերմանիայի Հայոց Թեմի առաջնորդ Տ․ Սերովբէ Եպս․ Իսախանեանը, Կենտրոնական Եւրոպայի եւ Սկանդինաւեան երկրների հայրապետական պատուիրակ Տ․ Տիրան Եպս․ Պետրոսեանը, Յունաստանի Հայոց Թեմի առաջնորդական տեղապահ Տ․ Խորէն Վրդ․ Առաքելեանը եւ Շվեյցարիայի Հայոց Թեմի առաջնորդական տեղապահ Տ․ Գուսան Վրդ․ Ալջանեանը։

Խորհրդակցութեան մասնակիցները ի շարս այլ հարցերի անդրադարձան Հայաստանի հիւսիսային սահմանների հատուածում նախորդ երեկոյեան տեղի ունեցած զինուած սադրիչ արկածախնդրութեանը, որը կրկին հրահրուել էր Ադրբեջանի ռազմական իշխանութիւնների կողմից։ Հոգեւոր առաջնորդներս աղօթելով խաղաղութեան համար եւ բնականաբար կողմնակից լինելով Արցախի հարցի միմիայն բանակցութիւնների միջոցով արդարացի լուծմանը, դատապարտում ենք Ադրբեջանի հերթական ռազմական սադրանքը եւ մեր համերշախութիւնն ենք յայտնում Հայաստանի իշխանութիւններին եւ հայոց սահմանները պաշտպանող մեր բանակին։

Աւետարանն ասում է. «Ով սուր վերցնի, սրով էլ կ’ընկնի»(Մտթ․ ԻԲ 52)։ Սա պէտք է լա՛ւ իմանան Ադրբեջանի իշխանութիւնները, եւ հասկանան, որ հայ զինուորը միշտ էլ պաշտպանելու է մեր սահմանները եւ արժանի հակահարուած է տալու սադրիչ ցանկացած գործողութեան։ Խաղաղութիւնը այլընտրանք չունի։

Աղօթում ենք խաղաղութեան համար եւ հայցում առ Աստուած, «զիլռեսցինպատերազմունք, դադարեսցինյարձակմունքթշնամեաց, տնկեսցիսէրեւարդարութիւն ի յերկրի»։ Ամէն»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica