close
Եղանակը Երևանում
9 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
9 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

2020 թ. ազգային անվտանգության ռազմավարությունում տեքստից հանվել է «ազգային եկեղեցի» ձևակերպումը. սա հակասահմանադրական լռություն է

Մշակույթ

12 Հուլիսի 2020, 09:58
 2020 թ. ազգային անվտանգության ռազմավարությունում տեքստից հանվել է «ազգային եկեղեցի» ձևակերպումը. սա հակասահմանադրական լռություն է

Հայաստանյայց Առաքելական Սուրբ Եկեղեցու ազգային օբյեկտիվ կարգավիճակն արտահայտող ձևակերպման բացակայության` որպես ինքնին հակասահմանադրական լռության վերաբերյալ հայտարարությամբ է հանդես եկել «Հանրային իրավունքի զարգացման և իրավական փորձաքննությունների բյուրո» հասարակական կազմակերպությունը:

Հայտարարության մեջ, մասնավորապես, ասվում է.

Հայ ժողովրդի ազգային հոգու և գիտակցության խորքերում որպես ազգային արժեք եղել է և շարունակելու է լինել դարերով պետականությունից զրկված մեր ժողովրդի համար ազգային գաղափարախոսության կրողը` Հայաստանյայց Առաքելական Սուրբ Եկեղեցին, այն ազգային ինքնության հենասյուներից մեկն է, ինչպես մեր լեզուն, մշակույթը և ընտանիքը:

Ազգային արժեքների պահպանության խնդիրը ոչ միայն պետության, այլև յուրաքանչյուր հայի, յուրաքանչյուր քաղաքացու խնդիրն է, ուստի այս համատեքստում 2020թ. ազգային անվտանգության ռազմավարության ուսումնասիրությունը առաջ է բերել հետևյալ մտահոգությունները`

1. 2007 թ. ազգային անվտանգության ռազմավարության համեմատությամբ, որում ամրագրված է Հայաստանյայց Առաքելական Սուրբ Եկեղեցու` որպես ազգային եկեղեցու կարևոր առաքելությունը հայության ներգրավման ու զարգացման գործում, 2020 թ. ազգային անվտանգության ռազմավարությունում տեքստից հանվել է «ազգային եկեղեցի» ձևակերպումը: Հայաստանյայց Առաքելական Սուրբ Եկեղեցու` պատմական և ազգային օբյեկտիվ կարգավիճակն արտահայտող ձևակերպման բացակայությունն ինքնին հակասահմանադրական լռություն է:

Ինչքան էլ պետությունը փորձի առանց որևէ հիմնավորման խուսափել այս ձևակերպումից, պատմականորեն ձևավորված և օբյեկտիվորեն գոյություն ունեցող փաստերն անհերքելի են, իսկ նման քայլերը` հակապատմական:

2. 2020 թ. ազգային անվտանգության ռազմավարությունում առաջին անգամ որպես ազգային արժեք են ճանաչվել այլ կրոնական կառույցներ: Անհասկանալի է` օբյեկտիվ ինչ չափանիշներից ելնելով է պետությունը այս փաստաթղթում այլ կրոնական կառույցներին համարել որպես ազգային արժեք:
Ամենևին չնսեմացնելով այլ կրոնական կառույցների դերն ու նշանակությունը` անթույլատրելի է նման կարևոր փաստաթղթում նման կարևորության գնահատական տալ` առանց օբյեկտիվ հիմնավորումների և չափանիշների, որոնք, թերևս, տեսանելի չեն այս փաստաթղթում:

Ա.Ղամբարյան, Թ.Շաքարյան

«Հանրային իրավունքի զարգացման և իրավական փորձաքննությունների բյուրո» ՀԿ համահիմնադիրներ 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica