close
Եղանակը Երևանում
12 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
12 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բողոքի ակցիա Երեւանում. քաղաքապետարանը 1 ամիս ժամանակ տվեց հնամաշ իրերի շուկայի առևտրականներին

Հասարակություն

11 Հուլիսի 2020, 11:58
 Բողոքի ակցիա Երեւանում. քաղաքապետարանը 1 ամիս ժամանակ տվեց հնամաշ իրերի շուկայի առևտրականներին

Ոստիկաններն այսօր` հուլիսի 11-ին, վաղ առավոտից փորձել են հեռացնել Վազգեն Սարգսյանի անվան մարզադաշտի հարեւանությամբ գտնվող շուկայի առևտրականներին. տեղեկացնում է news.am-ը։

«Այսօր չգիտեմ՝ ինչ է կատարվել, թաղապետարանն իր համար որոշել է, որ այս տարածքը պետք է ազատվի: Ո՞ւր են տանում, տանում են նենց չոլեր, որ էս ժողովուրդը չի կարա մի կոպեկ փող աշխատի»,- ասաց ակցիայի մասնակիցներից մեկը՝ նշելով, որ իրենք առաջարկում են կամ Հրազդան մարզադաշտի մոտ տեղափոխվել, կամ «Տեցի կրուգ» կոչվող վայր:

Շուկայում հին իրերի առեւտուր իրականացնող մարդիկ խնդրում են մինչև կորոնավիրուսի ավարտը կամ գոնե օգոստոսի 15-ը թույլ տալ շուկայում առևտուր իրականացնել, մինչև Երեւանի քաղաքապետարանը այլ տարածք առաջարկի կամ իրենք ինքնակազմակերպվեն և ելք գտնեն։

«Եսիմ ինչ չենք վաճառում էլի, քրչոտ իրեր ենք վաճառում, գոնե հասկանանք՝ ինչ ենք անում, հետո հեռացրեք տարածքից»,- ասաց առեւտրականներից մեկը քաղաքապետարանի ներկայացուցչին:

Ի վերջո ակցիայի ավարտին առեւտրականների մի մասը Երեւանի քաղաքապետարանի ներկայացուցչի հետ համաձայնության եկավ օգոստոսի 15-ից հետո լքել տարածքը, իսկ մինչ այդ քննարկել առևտուրն այլ վայրում կազմակերպելու հարցը։

Նրանց խոսքով` այս տարածքը հարմար է, հաճախորդները գիտեն իրենց գտնվելու վայրը, տրանսպորտային շարժ կա այդ տարածքում, և դեմ են այլ տարածք տեղափոխվելուն։

Այսօր բողոքի ակցիան ավարտվեց, ակցիա իրականցնող քաղաքացիներից մեկը բերման ենթարկվեց։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica