close
Եղանակը Երևանում
11 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
11 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արսեն Նիկողոսյանին սպառնալիքներ հնչեցնելու համար քրգործ չի հարուցվել, թեեւ սպառնացողի ինքնությունը հայտնի է. Pastinfo

Քաղաքական

7 Հուլիսի 2020, 19:25
 Արսեն Նիկողոսյանին սպառնալիքներ հնչեցնելու համար քրգործ չի հարուցվել, թեեւ սպառնացողի ինքնությունը հայտնի է. Pastinfo

Վերաքննիչ քրեական դատարանի դատավոր Արսեն Նիկողոսյանի հասցեին սպառնալիքներ հնչեցնելու փաստի առթիվ ՀՀ ոստիկանությունում նյութեր են նախապատրաստվում։ Այս մասին «Փաստինֆո»-ի հետ զրույցում ասել է ՀՀ ոստիկանության լրատվության վարչության պետի տեղակալ Էդգար Ջանոյանը։

Հիշեցնենք, որ հունիսի 18-ին Վերաքննիչ քրեական դատարանը՝ նախագահությամբ դատավոր Արսեն Նիկողոսյանի, մասնակի բեկանել է Երեւանի ընդհանուր իրավասության դատարանի որոշումը եւ ՀՀ երկրորդ նախագահ Ռոբերտ Քոչարյանի նկատմամբ որպես խափանման միջոց սահմանել գրավը՝ 2 մլրդ ՀՀ դրամի չափով։

Դատական ակտի հրապարակումից հետո դատավոր Արսեն Նիկողոսյանի նկատմամբ սկսվել են ճնշումներ։ Մասնավորապես սոցիալական ցանցերում որոշ օգտատերերի կողմից արշավ է սկսվել նրա դեմ՝ հնչեցնելով վիրավորական եւ սպառնալից արտահայտություններ։

Նրա նկատմամբ հակաքարոզչությանը միացել էր նաեւ Հանրային խորհրդի նախագահ Ստյոպա Սաֆարյանը։

Դատավորը ԲԴԽ նախագահին դիմում էր հասցեագրել՝ նշելով, որ իր եւ իր ընտանիքի անդամների հասցեին սկսել են տարածել վիրավորանք եւ սպառնալիքներ պարունակող գրառումներ, ինչի կապակցությամբ ԲԴԽ-ն նախ հանդիպեց դատավորի հետ, ապա հայտարարեց, որ դիմել է ոստիկանություն՝ սահմանված կարգով համապատասխան միջոցառումներ ձեռնարկելու։ Այժմ ոստիկանությունն ապահովում է նրա անվտանգությունը։

Դեռեւս հուլիսի 1-ին պաշտոնապես ոստիկանությունը տեղեկացրեց, որ սպառնալիքներ հնչեցրած անձի ինքնությունը պարզվել է, սակայն քրեական գործ առ այս պահը չի հարուցվել։

Հատկանշական է, որ դատավոր Արսեն Նիկողոսյանը այն գիտնական իրավաբաններից է, որը մեծ հարգանք ու վարկանիշ ունի փաստաբանների շրջանում, մասնագիտական համայնքում, իսկ նրա նախագահությամբ դատական նիստերը կարելի է համարել օրինակելի։

Նշենք, որ դատավոր Արսեն Նիկողոսյանի վարկանիշը հուլիսի 1-ի դրությամբ 66 միավոր է։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica