close
Եղանակը Երևանում
12 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
12 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՀ առողջապահության անվճար առաջին ծրագրերը կյանքի են կոչվում. նախագահը խորհրդակցություն է հրավիրել

Արցախ

7 Հուլիսի 2020, 18:38
 ԱՀ առողջապահության անվճար առաջին ծրագրերը կյանքի են կոչվում. նախագահը խորհրդակցություն է հրավիրել

Արցախի Հանրապետության նախագահ Արայիկ Հարությունյանը հուլիսի 7-ին հրավիրել է խորհրդակցություն՝ առողջապահության նախարարի և նախագահի՝ առողջապահության ու սոցիալական հարցերով խորհրդականների մասնակցությամբ:

Երկրի ղեկավարը նշել է, որ անվճար առողջապահություն ունենալու իր նախընտրական խոստման համաձայն՝ կյանքի են կոչվում առաջին լոկալ ծրագրերը: Նախագահի հանձնարարականով՝ առողջապահության նախարարություն դիմած անպտղություն ունեցող ավելի քան 100 զույգերի բուժման ծախսերը ամբողջությամբ կիրականացվեն պետական ֆինանսավորմամբ՝ փուլ առ փուլ:

Առողջապահական հաջորդ ծրագրի շահառուները, ըստ նախագահ Հարությունյանի, կլինեն Արցախյան ազատամարտի և Հայրենական մեծ պատերազմի բոլոր մասնակիցները: Այն հնարավորություն կտա սոցիալական այդ խմբերի ներկայացուցիչներին սրտանոթային հիվանդություն ունենալու դեպքում Արցախի և Հայաստանի բուժհաստատություններում անվճար օգտվել բուժման բոլոր տեսակի ծառայություններից՝ ներառյալ սրտի բաց և փակ վիրահատությունները: Նախագահը նշել է նաև, որ հաջորդ տարվանից առողջապահական ամբողջ համակարգը կդառնա անվճար, և բոլորը հնարավորություն կունենան օգտվել նշված ծրագրերից:

Քննարկման ընթացքում անդրադարձ է կատարվել նաև Ստեփանակերտի մոր և մանկան առողջության պահպանման նոր կենտրոնի վերազինման աշխատանքներին: Արայիկ Հարությունյանը նշել է, որ մինչև տարեվերջ պետական ու բարեգործական միջոցներով ձեռք կբերվեն բոլոր անհրաժեշտ սարքավորումները, և հանձնարարել է ոլորտի պատասխանատուներին գործնական քայլեր իրականացնել այդ ուղղությամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica