close
Եղանակը Երևանում
3 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
3 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իշխանությանը չհաջողվեց Ամուլսարում բաժնետերերի փոփոխություն կատարել, այժմ փորձում են «երգով նահանջի գնալ». «Հրապարակ»

Քաղաքական

4 Հուլիսի 2020, 10:54
 Իշխանությանը չհաջողվեց Ամուլսարում բաժնետերերի փոփոխություն կատարել, այժմ փորձում են «երգով նահանջի գնալ». «Հրապարակ»

«Հրապարակ» թերթը գրում է. «Լավատեղյակ աղբյուրների փոխանցմամբ` իշխանություններին չհաջողվեց Ամուլսարի շուրջ իրենց իդեա-ֆիքսն իրականացնել` բաժնետերերի փոփոխություն կատարել, այժմ փորձում են «երգով նահանջի գնալ». սկսվել է «Լիդիանի» սնանկացման գործընթացը՝ հունիսի 30-ին պետք է որոշումը կայացվեր, տեղափոխել են հուլիսի 18-ին:

«Կորոնայի հետ կապված՝ տնտեսությունը լուրջ խնդիրների առջեւ է կանգնած, ներդրումներ չկան եւ չեն լինելու, փող չկա․ հիմա իշխանությունները երազում են, որ «Լիդիանը» շահագործի հանքը, ուստի այս օրերին փորձեցին ստուգել, հասկանալու համար՝ կարո՞ղ է «Լիդիանն» սկսել աշխատանքները։

Նախկին պահնորդական ծառայությունից՝ հերթափոխով, երկուական հոգի էին մտնում-դուրս գալիս «տարածք», հիմա տարածք բերվեց 50 պահնորդ` հասկանալու, թե ինչ ռեակցիա կլինի ակտիվիստների եւ Ջերմուկի բնակիչների կողմից, դժգոհության մակարդակն ինչքան է»,- ասաց կենսաբանական գիտությունների թեկնածու Վահագն Վարագյանը:

Ի՞նչ արձանագրեց «շտուրմը»։ «Լուրջ հակազդեցություն եղավ, պահնորդներին հետ քաշեցին, մնացին կրկին հերթապահող 2 հոգին, ռեզոնանսը մամուլում, Ֆեյսբուքում ստուգվեց։ Եզրակացությունը մեկն է` իշխանությունները գնալու են հանքը շահագործելու ճանապարհով։

Փոխանակ 2 տարվա ընթացքում ռեալ բնապահպանական ռիսկերը գնահատեին եւ հստակ բացատրեին, թե ինչու պետք է հանքը շահագործվի, ու ինչ աստիճանի են կառավարելի այդ ռիսկերը, որոշեցին գնալ ուժային ճանապարհով»: Կարծում եք` կբացե՞ն, ե՞րբ։ «Մինչեւ աշուն։ Ուրիշ ճար չունեն, մարդիկ էլ մինչեւ վերջ կանգնելու են, ինչը կարող է անկանխատեսելի հետեւանքներ ունենալ ոչ միայն շրջակա միջավայրի, այլեւ Նիկոլ Փաշինյանի իշխանության համար»:

Առավել մանրամասն՝ թերթի այսօրվա համարում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica