close
Եղանակը Երևանում
6 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
6 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մի փորձեք սեպ խրել երկու եղբայրական ժողովուրդների բարեկամության մեջ, դա ձեզ չի հաջողվի. ՀԿԿ

Քաղաքական

3 Հուլիսի 2020, 21:02
 Մի փորձեք սեպ խրել երկու եղբայրական ժողովուրդների բարեկամության մեջ, դա ձեզ չի հաջողվի. ՀԿԿ

Հայաստանի Կոմունիստական կուսակցությունը մեկ անգամ չէ, որ բարձրաձայնել է հայ-ռուսական հարաբերություններում առկա ճեղքերի, դրանց խորացման ու հետևանքների մասին։ Այդ մասին ասվում է Հայաստանի Կոմունիստական կուսակցության հայտարարությունում:

« Բոլոր տեսակի իզմերից հրաժարված և իրենց հայամետ ու հայակենտրոն հռչակած քաղաքական գործիչները, այսօր գործում են ի վնաս Հայաստանի Հանրապետության։

 Ռուսական հեռուստաալիքների հեռարձակման շուրջ ծագած աղմուկի ֆոնին, ինչի մասին ժամանակին բարձրաձայնել են կոմունիստները, հանրային եթեր է տրամադրվում տխրահռչակ, Ռուսաստանի հզորացման,կայունության հակառակորդ, հայատյաց քաղաքական գործիչ Նավալնուն, էլ ավելի խարխլելով հայ-ռուսական բարեկամության հիմքերը, դա ներկայացնելով, որպես դեմոկրատիայի և ինքնիշխանության նշան։ Հայաստանի Հանրապետությունը ինքնիշխան քաղաքական սուբյեկտ է, որովհետև Ռուսաստանի դաշնակիցն է, և որքան շուտ հասկանան այս պարզ ճշմարտությունը մեր իշխանությունները, այնքան ավելի շատ կշահի հայ ժողովուրդը։

 Հայաստանի սահմանների անառիկության և մեզ թշնամական երկրների ոտնձգություններից պաշտպանելու գործում, իր անուրանալի դերը ունի ռուսական 102րդ ռազմաբազան, որի , Հայաստանում տեղակայման հարցում  ևս նշանակալի ավանդ ունի Կոմունիստական կուսակցությունը։ Հետևաբար, մենք լինելով հայ-ռուսական բարեկամության հիմնադիրներից ու ջատագովներից, չենք կարող անտարբերությամբ նայել, թե ինչ է կատարվում հայ ժողովրդի համար կենսական նշանակություն ունեցող դաշնակցի շուրջը, ուստի կոչ ենք անում իշխանություններին, իրենց քաղաքական ուժեր հռչակած և արևմտյան դրամաշնորհներով սնվող ու բացառապես նրանց շահը սպասարկող ավանտյուրիստներին`մի փորձեք սեպ խրել երկու եղբայրական ժողովուրդների բարեկամության մեջ, դա ձեզ չի հաջողվի, դուք ժամանակավոր եք, իսկ մեր ժողովուրդների բարեկամությունը գալիս է դարերի խորքից և պիտ գնա դեպ դարեր»,-ասվում է հայտարարությունում։

Երկիր եւ լինելութիւն
6 Օգոստոսի 2020, 13:20 Երկիր եւ լինելութիւն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica