close
Եղանակը Երևանում
21 Սեպտեմբերի 2020
+15°
+27°Ցերեկ
+15°Գիշեր
weather
close
Փոխարժեք
21 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթովպիայում 50 մարդ է զոհվել երգչի սպանությունից հետո ծայր առած ընդհարումների ժամանակ

Աշխարհ

2 Հուլիսի 2020, 00:01
 Եթովպիայում 50 մարդ է զոհվել երգչի սպանությունից հետո ծայր առած ընդհարումների ժամանակ

Առնվազն 50 մարդ է զոհվել Եթովպիայի Օրոմիայի նահանգում ծայր առած անկարգությունների ընթացքում, որոնք բռնկել են երաժիշտ եւ քաղաքական ակտիվիստ Հակալու Հունդեսաայի սպանությունից հետո: Այս մասին հաղորդել է Reuters գործակալությունը՝ վկայակոչելով տեղի իշխանություններին:

Ավելի վաղ Reuters-ը, վկայակոչելով Ադամա քաղաքի (Օրոմիայի նահանգ) կենտրոնական հիվանդանոցի գլխավոր բժշկին, հաղորդել է ընդհարումների ընթացքում ութ զոհվածների եւ 80 տուժածների մասին:

Ավելի ուշ Եթովպիայի մայրաքաղաք Ադիս Աբեբայում տեղի է ունեցել երեք պայթյուն, զոհերի թվի եւ պատահարի այլ մանրամասնությունների մասին տվյալներ առայժմ չեն ստացվել: Հունիսի 30-ն երիտասարդները մեծ խմբերով հավաքվել են Օրոմիայի նահանգի քաղաքներում եւ Ադիս Աբեբայում, այն բանից հետո, երբ հայտնի Է դարձել 36-ամյա Հաակաալուու Հունդեսաայի սպանության մասին:

Ցուցարարներն այրել են ավտոդողեր եւ վանկարկել հակակառավարական կագախոսներ: Մի քանի վայրերում տեղի են ունեցել անկարգություններ եւ ընդհարումներ ոստիկանության հետ:

Հաակաալուու Հունդեսաային լայն հռչակ է ձեռք բերել այն, երբ հայտնվել Է բանտում իր քաղաքական գործունեության համար: Ավելի ուշ նա մասնակցել է հակակառավարական բողոքներին, որոնք հանգեցրեցին երկրի ներկայիս վարչապետ Աբիյ Ահմեդի՝ իշխանության գլուխ անցնելուն:

Հաակաալուու Հունդեսաային գնդակահարել են հունիսի 29-ի երեկոյան մայրաքաղաքի թաղամասերից մեկում: Ոստիկանությունը ձերբակալել է սպանության մի քանի կասկածյալների: Երգչի հուղարկավորությունը տեղի կունենա հուլիսի 2-ին նրա հայրենի Ամբո քաղաքում։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica