close
Եղանակը Երևանում
5 Հուլիսի 2020
+28°
+30°Ցերեկ
+19°Գիշեր
weather
close
Փոխարժեք
5 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Heritage Foundation. օրհնա՞նք, թե՞ նզովք. Ա. Խաչատրյան

Քաղաքական

30 Հունիսի 2020, 23:37
 Heritage Foundation. օրհնա՞նք, թե՞ նզովք. Ա. Խաչատրյան

ՀՅԴ Հայաստանի Գերագույն մարմնի անդամ Արթուր Խաչատրյանը գրում է.

«HERITAGE FOUNDATION. ՕՐՀՆԱՆՔ ԹԵ՞ ՆԶՈՎՔ

Այսօր հերթական «աննախադեպ» ուրախ լուրը ստացանք. Heritage Foundation-ը բարելավել է Հայաստանի դիրքերը այն համարելով աշխարհի 34-րդ ազատ տնտեսությունը: Այս լուրն ավետելիս մեր իշխանությունները մոռացան նշել, որ 2003-ին նույն Heritage Foundation-ը Հայաստանը համարել է «տարածաշրջանի ամենաազատ տնտեսությունը»: Համեմատության համար, 2020 թվին Հայաստանի տնտեսությունը գնահատվել է «մի փոքր ավելի բարձր, քան տարածաշրջանի միջինը»: Սա էլ մի կողմ, 2006-ին Heritage Foundation-ը Հայաստանի տնտեսությունը համարել է աշխարհի 27-րդ ազատ տնտեսությունը, իսկ 2020-ին՝ 34-րդը: Ճիշտ է, 157 երկրներից 27-րդը, բայց չեմ կարծում, որ 14 տարիների ընթացքում ցանկում ընդգրկված երկրներն ազատության առաջամարտիկներ են եղել:

Հիմա մի կողմ թողնենք գնահատումները և փորձենք հասկանալ ինչ է իրենից ներկայացնում Heritage Foundation-ը (Ժառանգություն հիմնադրամը): Heritage-ն ամերիկյան պահպանողական հիմնադրամ է, որի հիմնարար արժեքներն են ազատ ձեռնարկատիրությունը, սահմանափակ կառավարությունը (limited government), անհատական ազատությունը, ավանդական ամերիկյան արժեքները և հզոր ազգային պաշտպանությունը: Վերջին երկու արժեքները թողնենք մի կողմ, դրանք Հայաստանին չեն վերաբերվում: ԳՆահատման չափորոշիչներից մեկը պետական ծախսերն են. ինչքան պետական ծախսերը քիչ (չշփոթեք պետական համակարգի աշխատավարձերի հետ), այնքան լավ: Ինչքան պետությունը քիչ սոցիալական է, այնքան տնտեսությունն ազատ է: Եթե ուզում ենք, որ պետությունն առաջնորդվի «ամեն մեկն իր համար» սկզբունքով, ուրեմն կեցցե Heritage Foundation-ը:

Նաև անդրադառնանք, թե ինչ կարծիք ունի հիմնադրամը արցախյան ազատամարտի վերաբերյալ: «Հարևան Ադրբեջանի Լեռնային Ղարաբաղի տարածաշրջանի և այլ տարածքների 25 տարվա բռնազավթումը....» ("Armenia’s 25-year occupation of neighboring Azerbaijan’s Nagorno–Karabakh region and other territories ..."): Ահա ձեր գովերգած Heritage Foundation-ը: Իմ խորին համոզմամբ, այս հիմնադրամի բարձր գնահատականն ընդհանրապես գովասանք չէ, այլ լրիվ հակառակը»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica