close
Եղանակը Երևանում
10 Հուլիսի 2020
+24°
+28°Ցերեկ
+20°Գիշեր
weather
close
Փոխարժեք
10 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄԷ-ն կորոնավիրուսի դեմ պայքարի համար բժշկական օգնություն է տրամադրել առողջապահության շուրջ 1 միլիոն աշխատակիցների

Աշխարհ

30 Հունիսի 2020, 18:35
 ԱՄԷ-ն կորոնավիրուսի դեմ պայքարի համար բժշկական օգնություն է տրամադրել առողջապահության շուրջ 1 միլիոն աշխատակիցների

ԱՄԷ-ն վերահաստատել է միջազգային համագործակցության ամրապնդմանն ու հումանիտար մոտեցման ուղղված իր հանձնառությունը՝ աջակցություն տրամադրելով առողջապահական ոլորտի ավելի քան մեկ միլիոն աշխատակիցների։ Օգնությունն իրենից ներկայացնում է ավելի քան 1000 տոննա անձնական պաշտպանիչ պարագաներ, բժշկական եւ սննդի օգնություն աշխարհի մի շարք երկրների, որտեղ տարածվել է համաճարակը (Covid-19):

Մեկնաբանելով այս ձեռքբերումը՝ Միջազգային համագործակցության հարցերով պետնախարար Ռիմ բինթ Իբրահիմ ալ Հաշեմին նշել է. «Հիմնադրման օրվանից ԱՄԷ-ն ձգտում է ամրապնդել այլ երկրների հետ համագործակցության եւ համերաշխության կապերը եւ գտնում է, որ բոլոր երկրները պետք է մի կողմ դնեն իրենց տարաձայնությունները եւ հասնեն համերաշխության։ Եվ ավելի քան մեկ միլիոն բուժաշխատողներին օգնություն տրամադրելը հաստատում է պետության օգնության ձեռք մեկնելու հանձնառությունը՝ անկախ կրոնից, ռասսայական պատկանելությունից կամ գաղափարախոսությունից»։

ԱՄԷ-ն համաճարակի բռնկումից ի վեր վիրուսների տարածումը կասեցնելու գլոբալ մարդասիրական ջանքերի խթանման գործում առաջատար երկրներից է։ Ինչպես նաեւ համարվում է տարածաշրջանում վիրուսի դեմ պայքարում օգնության խոշորագույն մատակարարը։

Ավելին, ԱՄԷ-ն համագործակցել է բազմաթիվ միջազգային կազմակերպությունների հետ` այդպիսով եւս փորձելով օգնություն տրամադրել այն երկրներին, որոնք փորձում են հաղթահարել համաճարակը։ Դուբայի միջազգային մարդասիրական քաղաքը (IHC), որն իր մեջ ներառում է մարդասիրական օգնության ամենամեծ պահեստները, օժանդակել է Առողջապահության համաշխարհային կազմակերպությանը վերջինիս կողմից տրամադրվող օգնությունների ավելի քան 80% -ը տարբեր երկրներ տեղափոխելու հարցում։

Արաբական Միացյալ Էմիրությունները տարբեր գլոբալ տվյալների բազաներում կիսվել է գենոմի հաջորդականության եւ մուտացիայի վերաբերյալ տվյալներով, այդ թվում՝ նաեւ Covid-19 գենոմի Nexstrain բաց տվյալների բազայում, որի նպատակն է օգնել գիտնականներին աշխարհում հետեւել վիրուսի բռնկումների տարածմանը:

Էմիրությունները կշարունակի տրամադրել անձնական պաշտպանիչ պարագաներ, վիրուսի վերաբերյալ տեղեկատվություն, ինչպես նաեւ կօժանդակի հետազոտություններին։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica